देशका धेरै ठाउँमा बदली, केही ठाउँमा वर्षा र हिमपात

फागुन ३, २०८१ शनिबार १७:२५:१५ | उज्यालो सहकर्मी

काठमाण्डाै – आज देशका धेरै ठाउँमा बादल लागेर केही ठाउँमा वर्षा र हिमपात भएको छ । जल तथा मौसम विज्ञान विभागको तथ्याङ्क अनुसार पछिल्लो २४ घण्टामा कास्कीको छोमरोङमा ७ दशमलव ६ मिलिमिटर पानी परेको छ ।

यस्तै मनाङको ताल क्षेत्रमा ५ दशमलव ८ मिलिमिटर वर्षा भएको छ । सोलुखुम्बुको लुक्ला विमानस्थलको मापन केन्द्रले पनि ३ दशमलव ३ मिलिमिटर वर्षा मापन गरेको छ ।

बितेको २४ घण्टामा गण्डकी र कोशी प्रदेशका केही ठाउँमा पानी परिरहेको छ । सुदूरपश्चिमको डडेल्धुरा तथा कैलालीका बचिला र बलिया केन्द्रमा फाटफुट वर्षा रेकर्ड भएको छ ।

यस्तै देशको सबैजसो हिमाली क्षेत्रमा हिमपात भएको विभागले जनाएको छ । केही उच्च पहाडी क्षेत्रमा पनि हिमपात भएको छ ।

अहिले सक्रिय प्रणालीको प्रभावले राति पनि उच्च पहाडी तथा हिमाली क्षेत्रमा हिमपात र केही पहाडी क्षेत्रमा वर्षाको सम्भावना रहेको छ । काठमाण्डौ उपत्यकामा पनि दिनभर बादल लागेकोले राम्रोसँग घाम लागेन । भोलिदेखि मौसममा सुधार आउने मौसम पूर्वानुमान महाशाखाले जनाएको छ ।

यसैबीच आउँदो बिहीवारदेखि अर्को प्रणाली सक्रिय हुने सम्भावना रहेको जलवायु विपद् विज्ञ डा. धर्मराज उप्रेतीले जानकारी दिनुभयो । उहाँका अनुसार बिहीवार र शुक्रवार देशका केही ठाउँमा मध्यम खालको वर्षाको सम्भावना समेत छ ।

यसपालिको हिउँद सुक्खा भइरहेको बला हिउँद सकिने बेला पानी पर्ने सङ्केत देखिएको हो । नेपालको मौसमी पात्रोमा मङ्सिर १६ गतेदेखि फागुन १६ गतेसम्मको अवधिलाई हिउँदयाम भन्ने चलन छ । यो वर्षको हिउँद सकिन लाग्दा औसतको ९ प्रतिशत मात्रै पानी परेको छ । धेरै ठाउँमा त पानी परेकै छैन । पानी नपर्दा वायु प्रदूषण र डढेलोको जोखिमसँगै कृषिबालीमा असर गरेको छ ।

अन्तिम अपडेट: फागुन ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

देशका धेरै ठाउँमा बदली, केही ठाउँमा वर्षा र हिमपात

फाइल फाेटाे

तपाईको प्रतिक्रिया