सम्झौता अनुसार इजरायलले कैदी रिहा नगरेको भन्दै हमासले वार्ता रोक्यो

फागुन १२, २०८१ सोमबार १२:१३:३६ | एजेन्सी

प्यालेस्टिनी विद्रोही समूह हमासका नेताले इजरायलसँग थप वार्ता नगर्ने बताएका छन् । हमासका दुई वरिष्ठ नेताले सम्झौता अनुसार ६ सय २० जना प्यालेस्टिनी कैदीको रिहाइ नहुँदासम्म वार्तामा सहभागी नहुने बताएका समाचार संस्था एएफपीले जनाएको छ ।

अस्ति शनिवार हमासले ६ जना इजरायली कैदीलाई रिहा गरे पनि इजरायलले प्यालेस्टिनी कैदीहरूको रिहाइ स्थगित गरेपछि हमास नेताको यस्तो प्रतिक्रिया आएको हो । शनिवार नै इजरायलले ६ सय २० जना प्यालेस्टिनी कैदी रिहा गर्नुपर्ने थियो । इजरायलले कुनै पनि समयमा फेरि गाजा पट्टीमा आक्रमण गर्नुपर्ने अवस्था आउनसक्ने भन्दै कैदी रिहाइमा ढिलाइ गरिरहेको खबरमा उल्लेख छ ।

इजरायली प्रधानमन्त्री बेन्जामिन नेतन्याहुको यस निर्णयलाई अमेरिकाले पनि समर्थन गरेको छ । इजिप्ट र कतारले भने पहिलेकै सम्झौता अनुसार इजरायललाई ६ सय २० जना प्यालेस्टिनी कैदी तत्काल रिहा गर्न दबाव दिइरहेका छन् ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सम्झौता अनुसार इजरायलले कैदी रिहा नगरेको भन्दै हमासले वार्ता रोक्यो

गेटी इमेजेज

तपाईको प्रतिक्रिया