अन्तर्राष्ट्रिय ब्याडमिन्टनमा विकाश र रत्नजित प्रि–क्वार्टरफाइनलमा, नङसल बाहिरिइन्

मंसिर १९, २०७५ बुधबार १९:२८:४४ | उज्यालो सहकर्मी

काठमाडौं – नेपाल नम्बर एक रत्नजित तामाङसँगै विकाश श्रेष्ठ काठमाडौंमा जारी नेपाल इन्टरनेशनल सिरीज ब्याडमिन्टन प्रतियोगिताको प्रि–क्वार्टरफाइनलमा प्रवेश गरेका छन । महिला एकलतर्फ नङशलदेवी तामाङ बाहिरिएकी छिन् ।

हलचोकस्थित सशस्त्र प्रहरीको कोर्टमा भएको खेलमा पुरुष एकलतर्फ रत्नजितले मरिससका टेजराज पुल्टोलाई २१–० र २१–८ को सेटमा हराए । यस्तै अर्को खेलमा विकाश श्रेष्ठले नेपालकै जीवन आचार्यलाई दुई–एकको सेटमा हराउँदै नकआउट चरणमा प्रवेश गरे । उनले जीवनलाई २१–१४, १९–२१ र २१–१८ को सेटमा हराए ।

नेपालकै विजित थापामगरले भुटानका कर्मा छेन्द्रुलाई २१–१० र २१–१३ को सेटमा पाखा लगाए भने प्रिन्स दाहाल भियतनामका ली डु फाटसँग हार्न पुगे । यस्तै अर्को खेलमा नेपालका दिपेश धामी मलेसियाका टेक जी सुसँग पराजित हुँदा प्रफुल महर्जन भारतका अमिया ओकासँग पराजित भए । यस्तै नवीन श्रेष्ठ थाइल्याण्डका खेलाडीसँग हार्न पुगे ।

महिला एकलतर्फ नङशल तामाङ इरानी खेलाडी सोरीयासँग दुई–शून्यको सोझो सेटमा पराजित भइन् । यस्तै अनुमाया राई पनि मलेसियाकी थेट टारसँग हारिन् भने जेसिका गुरुङ भारतकी रशी त्यागीसँग पाखा लागिन् । यस्तै सिता राई पनि थाइल्याण्डकी खेलाडीसँग निराश भइन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्