स्वास्थ्य बीमाको औषधि छैन भन्ने छुट सरकारी अस्पताललाई छैन : स्वास्थ्यमन्त्री पौडेल

फागुन १८, २०८१ आइतबार १२:६:४४ | रासस

इलाम – स्वास्थ्य तथा जनसङ्ख्यामन्त्री प्रदीप पौडेलले सरकारी अस्पतालले स्वास्थ्य बीमा सुविधाको औषधि छैन भन्न नपाउने बताउनुभएको छ ।

आज इलाम अस्पतालको अनुगमन गर्दै उहाँले स्वास्थ्य बीमा बोर्डले तोकेका औषधि अस्पतालमा अनिवार्य हुनुपर्ने बताउनुभएको हो । औषधि छैन भन्नु गैरकानूनी रहेको र तोकिएका औषधि अनिवार्य राख्नुपर्ने मन्त्री पौडेलको भनाइ छ ।

सरकार तथा स्वास्थ्य बीमा बोर्डले ९८ प्रकारका औषधिमा सुविधा तोकेका छन् । तोकिएका औषधि अनिवार्य राख्न उहाँले आग्रह गर्नुभयो ।

डाक्टरले लेखेका औषधि छैन भनेर पन्छिने छुट अब सरकारी अस्पताललाई नभएको र त्यसका लागि स्वास्थ्य मन्त्रालयले आवश्यक काम अगाडि बढाएको उहाँको भनाइ छ ।

स्वास्थ्य बीमाको व्यवस्थापनमा केही समस्या भए पनि यसलाई सुधार गर्न लागेको मन्त्री पौडेलले बताउनुभएको छ ।

इलाम अस्पतालले स्वास्थ्यमन्त्री पौडेललाई लिखित ज्ञापनपत्र बुझाउँदै अस्पतालको भौतिक संरचनाका विषयमा जानकारी गराएको अस्पतालका व्यवस्थापक क्षितिज खतिवडाले जानकारी दिनुभयो ।

त्यस्तै स्वास्थ्य मन्त्री पौडेलले पालिकामा निर्माण भएका आधारभूत अस्पतालबाट चाँडै नै सेवा सञ्चालन हुने बताउनुभएको छ ।

देशका ५७ वटा पालिकामा आधारभूत अस्पताल निर्माण भइसकेको जानकारी दिँदै उहाँले मन्त्रालयले आधारभूत अस्पताल सञ्चालन गर्न छुट्टै नीति बनाइरहेको पनि बताउनुभयो ।

पाँचथरको फालेलुङ गाउँपालिकामा निर्माण भएको पाँच शय्याको आधारभूत अस्पतालको हिजो उद्घाटन गर्दै मन्त्री पौडेलले नयाँ नीतिअनुसार आधारभूत अस्पताल सञ्चालन हुने बताउनुभयो ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्