आईपीएल क्रिकेट : पन्जाबसँग चेन्नई र लखनउसँग कोलकाता पराजित

चैत २७, २०८१ बुधबार ७:२:१६ | उज्यालो सहकर्मी

काठमाण्डौ – भारतमा चलिरहेको इन्डियन प्रिमियर लिग (आईपीएल) क्रिकेटमा पन्जाब किङ्सले चेन्नई सुपर किङ्सलाई १८ रनले पराजित गरेको छ ।

पन्जाबले दिएको २ सय २० रनको बलियो लक्ष्य पछ्याएको चेन्नईले २० ओभरमा ५ विकेट गुमाएर २ सय एक रन मात्र बनाउन सक्यो ।

चेन्नईका डेभन कनवेले सर्वाधिक ६९ रन बनाए । त्यसअघि टस जितेर पहिले ब्याटिङ गरेको पन्जाबले २० ओभरमा ६ विकेट गुमाएर २ सय १९ रन बनाएको थियो ।

ओपनर प्रियान्श आर्याले एक सय तीन रनको शतक बनाए । जारी प्रतियोगितामा पन्जाबको तेस्रो जीत र चेन्नईको चौथो हार हो ।

यस जीतसँगै ४ खेलमा ६ अङ्क जोडेको पन्जाब अङ्कतालिकामा चौथो स्थानमा उक्लिएको छ भने ५ खेलमा २ अङ्क मात्र रहेको चेन्नई नवौं स्थानमा छ ।

यस्तै आईपीएल अन्तर्गत हिजो भएको पहिलो खेलमा लखनउ सुपर जायन्ट्सले कोलकाता नाइट राइडर्सलाई चार रनले हराएको छ ।

जीतको लागि २ सय ३९ रनको लक्ष्य पछाएको कोलकाताले २० ओभरमा ७ विकेट गुमाएर २ सय ३४ रन मात्रै बनाउन सक्यो ।

त्यसअघि इडेन गार्डेन्समा टस हारेर ब्याटिङ निम्तो पाएको लखनउले ३ विकेट गुमाएर २ सय ३८ रन बनाएको थियो । मिकेल मार्स र निकोलश पुरनले अर्ध शतक बनाए ।

पाँच खेलमा ६ अङ्कसहित लखनउ पाँचौं स्थानमा र समान पाँच खेलमा ४ अङ्कसहित कोलकाता छैटौं स्थानमा रहेको छ ।

आईपीएलमा आज बेलुका पौने ८ बजे गुजरात टाइटन्स र राजस्थान रोयल्स खेल्दैछन् ।

अन्तिम अपडेट: बैशाख ३, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्