आन्दोलनरत शिक्षक अहिलेकै अवस्थामा सरकारसँग वार्तामा नजाने

चैत २७, २०८१ बुधबार १२:३१:४३ | उज्यालो सहकर्मी

काठमाण्डौ – आन्दोलनरत शिक्षक महासङ्घले अहिलेकै अवस्थामा सरकारसँग वार्तामा जान नसक्ने बताएको छ ।

महासङ्घका अध्यक्ष लक्ष्मीकिशोर सुवेदी र महासचिव तुलाबहादुर थापाले जारी गरेको विज्ञप्तिमा अहिलेकै अवस्थामा वार्तामा बस्नुको औचित्य नभएको उल्लेख छ ।

शिक्षक–कर्मचारीमैत्री शिक्षा ऐन जारी गर्न माग गर्दै आम शैक्षिक हड्ताल आह्वान गरेर काठमाण्डौ केन्द्रित आन्दोलन जारी राखेका शिक्षकहरूलाई हिजो शिक्षा विज्ञान तथा प्रविधि मन्त्रालयले विज्ञप्तिमार्फत वार्तामा बोलाएको थियो ।

महासङ्घले पनि विज्ञप्तिबाटै जवाफ दिएको हो । चैत २० गते काठमाण्डौ केन्द्रित आन्दोलन शुरू भए पनि सरकारले शिक्षकलाई वार्तामा बोलाएको तेस्रो पटक हो ।

महासङ्घले वार्तामा बस्नुअघि संसद्को वर्षे अधिवेशन तत्कालै शुरू गर्न, विशेष अधिवेशन आह्वान गर्न वा अध्यादेशमार्फत् शिक्षा ऐन जारी गर्नुपर्ने शर्त राखेको छ ।

अन्तिम अपडेट: बैशाख ४, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्