रुघाखोकीका बिरामी बढे, निको हुने अवधि लम्बिँदै

वैशाख ३, २०८२ बुधबार १२:२३:३५ | रासस

काठमाण्डौ – रुघाखोकीबाट बिरामी हुनेको सङ्ख्या बढ्दै गएको छ । सरकारी अस्पताल, मेडिकल कलेज र निजी अस्पताल एवम् क्लिनिकमा समेत बिरामीको चाप छ ।

रुघाखोकी लागेमा हप्ता दिनमा निको हुने गरेकामा पछिल्लो समय दुई हप्ताभन्दा धेरै समय लाग्ने गरेको छ ।

चितवनको भरतपुर अस्पतालका मेडिकल विभाग प्रमुख फिजिसियन डा. प्रकाश खतिवडाका अनुसार हरेक तीन वर्षमा इन्फ्लुएञ्जाले आफ्नो रूप परिवर्तन गर्ने र बलियो भएर आउने हुन्छ । इन्फ्लुएञ्जालाई बोलिचालीको भाषामा फ्लू भनिन्छ ।

प्रायः यसबाट देखा पर्ने लक्षणहरू नाकबाट पातलो सिँगान बग्ने, टाउको, घाँटी र मांसपेसी दुख्ने, ज्वरो आउने, खोकी लाग्ने हुन्छन् ।

डा. खतिवडाले अहिले रुघाखोकी लागेका बिरामीलाई निको हुन दुई हप्ताभन्दा धेरै समय लाग्ने गरेको बताउनुभयो । रुघाखोकीसँगै घ्यारघ्यार भए निको हुन धेरै समय लाग्ने गरेको उहाँ बताउनुहुन्छ ।

वरिष्ठ श्वासप्रश्वास तथा छाती रोग विशेषज्ञ प्रा. डा. शीतल अधिकारी स्वासप्रश्वासका बिरामीमा अहिले बढी समस्या देखिएको बताउनुहुन्छ । विशेषगरी बालबालिका, वृद्ध, मुटु र मिर्गौलाका रोगीलाई जोखिम धेरै हुने भएकाले सचेत रहन उहाँको जोड छ ।

अहिलेको मौसम, वायु प्रदूषण, भोजभतेर, राजनीतिक समर्थन र विरोधका कार्यक्रममा हुने भीडभाडमार्फत पनि सङ्क्रमण फैलिएको डाक्टरले बताएका छन् ।

कोरोना सङ्क्रमणका बेला अपनाइएका स्वास्थ्य सुरक्षाका विधिहरू अपनाउन, सकेसम्म मास्कको प्रयोग गर्न, भीडभाडमा नजान डाक्टरको सुझाव छ ।

अन्तिम अपडेट: बैशाख ३, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुघाखोकीका बिरामी बढे, निको हुने अवधि लम्बिँदै

प्रतीकात्मक तस्बिर

तपाईको प्रतिक्रिया