सीमा सुरक्षा गर्न आएको सशस्त्र प्रहरी बल तीन महिनादेखि सदरमुकाममै

मंसिर २३, २०७५ आइतबार १२:४५:५२ | जयराज अवस्थी

बैतडी – सीमा क्षेत्रमा शान्ति सुरक्षा कायम गर्ने र सीमा रक्षा गर्ने उद्देश्यसहित बैतडीमा आएको सशस्त्र प्रहरी बल गएको तीन महिनादेखि सदरमुकाममै बसेको छ । गएको असोज महिनामा बैतडीमा आएको सशस्त्र प्रहरी बलको गुल्म नेपाल भारत सीमा नाका झुलाघाटमा बस्ने भनिएको थियो ।

नेपाल सरकारले सबै जिल्लामा सशस्त्र प्रहरी बलको उपस्थिति गराउने निर्णयानुसार बैतडीमा पहिलोपटक सशस्त्र प्रहरी बलको गुल्म स्थापना भएको हो । शान्ति सुरक्षा र सीमा अपराध न्यूनिकरणका लागि भन्दै आएको सशस्त्र प्रहरी बल नेपाल, गुल्म हेडक्वाटर नं ५१ कार्यालय सदरमुकाममै रहेको छ । सशस्त्र प्रहरीको सुदूरपश्चिम क्षेत्रीय कार्यालयबाट सीमामा बस्नको लागि अनुमति दिन ढिलाई हुदाँ सदरमुकाममै बसेको सशस्त्र प्रहरी नायव उपरीक्षक दुर्गादत्त पन्तले जानकारी दिनुभयो ।

सुरुका केही दिन झुलाघाटमा बस्नको लागि घरको खोजी गर्दा घर नमिलेको र केही दिन अगाडि मात्र घर मिलिसकेकोले अब क्षेत्रले अनुमति दिनासाथ सीमामा जाने सशस्त्र प्रहरी नायव उपरीक्षक पन्तले बताउनुभयो अहिले अर्को व्यवस्था नहुँदासम्मको लागि भनेर सशस्त्र प्रहरी बल साविकको डिभिजन सहकारी कार्यालय र साविकको जिल्ला कृषि विकास कार्यालयको भवनमा बसीरहेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्