प्रहरीमा यस्तो उजुरी : छिमेकीले कुखुरोको खुट्टा भाँचेको देखि दुई बंगुरको शारीरिक सम्पर्कसम्म

मंसिर २४, २०७५ सोमबार १६:४४:३५ | गोविन्द शर्मा

बाँके – मानिसको शरीरमा चोटपटक लागेमा प्रहरीमा उजुरी पर्नु सामान्य हो । तर बाँकेमा झण्डै दुई किलोको कुखुराको भालेको खुट्टा भाँचिदिएको भन्दै एकजनाले छिमेकीविरुद्ध प्रहरीमा उजुरी दिएका छन् ।

नेपालगञ्ज उप–महानगरपालिका वडा नम्बर –२१, बिर्ताका मोहम्मद रफिकले स्थानीय अकबाल खाँले आप्mनो कुखुराको खुट्टा भाँचिदिएको भन्दै कारबाहीका लागि प्रहरीमा उजुरी दिनुभएको हो ।

जिल्ला प्रहरी कार्यालय बाँकेको प्राङ्गणमा सोमबार दिउँसो भएको छलफलमा मुद्दा दिने रफिकलाई कुखुराको मूल्य लिएर मिल्न र अकबाललाई कुखुराको मूल्य तिरेर लैजान सुझाव दिए पनि दुवैजनाले सुझाव अस्वीकार गरेका छन् ।

जिल्ला प्रहरी कार्यालय बाँकेका प्रहरी निरीक्षक रणबहादुर बिष्टले सोमबार दिनभर दुवै पक्षलाई सहमतिका लागि प्रयास गरे पनि मिलाउन नसकेको भन्दै मङ्गलबार फेरि छलफलका लागि बोलाइएको बताउनुभयो ।

सोमबार नै जिल्ला प्रहरी कार्यालय बाँकेमा एक गर्भवती बंगुरलाई अर्को बंगुरले शारीरिक सम्पर्क राखेपछि गर्भमा रहेका बच्चा मरेको भन्दै क्षतिपूर्तिको मागसहित उजुरी परेको प्रहरीले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्