गैंडाको खागलगायतका आखेटोपहारसहित २ जना पक्राउ

पुष ५, २०७५ बिहीबार १९:६:३३ | अर्जुन श्रेष्ठ

धादिङ – जिल्ला प्रहरी कार्यालय धादिङले शंकास्पद आखेटोपहारसहित २ जनालाई पक्राउ गरेको छ ।

नीलकण्ठ नगरपालिका वडा नं–११ ज्यामरुङमा खागजस्तै शंस्कापद वस्तु भेटिएपछि २ जनालाइ पक्राउ गरेको जिल्ला प्रहरी कार्यालय धादिङका प्रहरी नायव उपरीक्षक श्यामकुमार महतोले बताउनुभयो ।

गँैडाको खाग लुकाइ राखिएको छ भन्ने सूचनाको आधारमा छापा मार्दा खागजस्तै देखिने आखेटोपहार भेटिएपछि पक्राउ गरेको उहाँको भनाइ छ ।

शंकास्पद आखेटोपहारसँगै पक्राउ पर्नेहरुमा नीलकण्ठ–११, ज्यामरुङका जीवनाथ बोहोरा र राम बहादुर धमला रहेका छन् । उनीहरुलाई जिल्ला अदालत धादिङबाट १० दिनको म्याद थप गरी अनुसन्धान भइरहेको छ ।

सहायक वन अधिकृतको संयोजकत्वमा छानबिन तथा अनुसन्धान भइरहेको डिभिजन वन अधिकृत रामहरि सेढाईंले बताउनुभयो ।

‘बरामद गरिएको शंकास्पद आखेटोपहार हाम्रो जिम्मामा आएपछि नमुना परीक्षणको लागि शील लगाएर विधि विज्ञान प्रयोगशाला ललितपुर पठाएका छौँ । परीक्षणको नतिजा आएपछि मात्रै पुष्टि हुन्छ । ८-१० दिनभित्र आउला, त्यसपछि थप कार्बाही प्रक्रिया अघि बढाइने छ,’ सेढाइले बताउनुभयो ।

हात्तीको दाह्रा जस्तै देखिने १३ सेन्टिमिटर लम्बाइ र ९ सय ७५ ग्रामको एउटा आखेटोपहार र कछुवाको खपटाजस्तै देखिने १ सय ४ ग्रामको खैरो रङगको खगौतो बरामद भएको वन अधिकृत सेढाइको भनाई छ ।

कुन जनावरको कुन अङग वा कस्तो प्रकारको आखेटोपहार हो भनेर विधि विज्ञान प्रयोगशालाबाट मात्रै प्रमाणित हुने सेढाईंले बताउनुभयो । प्रयोगशालाको नतिजा आएपछि उनीहरुलाई त्यस अनुसार कार्बाहि हुने उहाँको भनाई छ ।

लोपोन्मुख जीवजन्तुको संरक्षण तथा संवद्र्धन गर्नु सबैको जिम्मेवारी भएका कारण यस्ता गैर कानुनी काम नगर्न समेत उहाँले आग्रह गर्नुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन श्रेष्ठ

रेडियो धादिङमा काम गर्ने अर्जुन श्रेष्ठ उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्