सिरहामा भेटिएको शक्तिशाली प्रेसर कुकर बम डिस्पोज

पुष ८, २०७५ आइतबार १६:५८:१५ | आशिष विश्वकर्मा

सिरहा – सिरहाको गोलबजार नगरपालिका ४ को गोलबजार बलकवा सहायक सडक नजिक आइतबार बिहान भेटिएको शक्तिशाली प्रेसर कुकर बम नेपाली सेनाले निस्कृय पारेको छ ।

गोलबजारको मुख्य बजार क्षेत्रदेखि दक्षिणतर्फ बस्ती नजिकै पश्चिम–दक्षिण क्षेत्रमा भेटिएको शक्तिशाली प्रेसरकुकर बम नेपाली सेनाको श्री नयाँ गोरख गणबाट खटिएको बम डिस्पिोजल टोलीले डिस्पोज गरेका हुन् ।

आइतबार बिहान बाटो हिँड्ने व्यक्तीले प्लाष्टिकको झोलामा बेरिएको प्रसर कुकर देखेपछि प्रहरीलाई खबर गरेको इलाका प्रहरी कार्यलय गोलबजारका इन्सपेक्टर नवीन घिमिरेले जानकारी दिनुभयो । उहाँका अनुसार प्रेसर कुकर बमको शक्तिको विषयमा बुझ्न समय लागेकाले डिसपोजगर्न समय लागेको बताउनुभयो ।

बिहानै भेटिएको बम झण्डै ५ घण्टापछि डिस्पोज गरिएको थियो । बम भेटिएदेखि नै त्यस क्षेत्रको सबै बाटोहरुमा नेपाली सेना, नेपाल प्रहरी र सशस्त्र प्रहरीले घेरा हालेर बसेका थिए ।

बम भेटिएको ठाउँ नजिकै ‘स्वतन्त्र तराई निर्माण सेना’ को पर्चा भेटिएको छ । मिति, छाप र आधिकारीक हस्ताक्षर समेत नरहेको पर्चामा औपनिवेशिक शासन विरुद्धको तराई मुक्ति आन्दोलनले पहिलो दशक पूरा गरी दोस्रो दशक पूरा गरेको र त्यसका लागि हुने संघर्षलाई निरन्तराता दिन सहयोगको अपेक्षा गरिएको उलेख छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

आशिष विश्वकर्मा

आशिष विश्वकर्मा सिरहाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सिरहामा भेटिएको शक्तिशाली प्रेसर कुकर बम डिस्पोज

प्रतिकात्मक तस्बिर

तपाईको प्रतिक्रिया