पुस अन्त्यसम्म पार्टीभित्र देखिएको समस्या समाधान गर्ने गरी कार्यदल बनाऔँ : प्रचण्ड

पुष ११, २०७५ बुधबार १२:२१:१ | उज्यालो सहकर्मी

काठमाडौं – नेकपाका अध्यक्ष पुष्पकमल दाहाल ‘प्रचण्ड’ले पार्टीमा देखिएको विवाद समाधान गर्न कार्यदल बनाउनु पर्नेमा जोड दिनुभएको छ ।

पार्टीको जारी स्थायी समिति बैठकमा सदस्यहरुले उठाएको जिज्ञासाको जवाफ दिने क्रममा अध्यक्ष प्रचण्डले यस्तो बताउनुभएको हो । पुस अन्त्यसम्ममा पार्टीभित्र देखिएको सबै विवाद समाधान गर्ने गरी कार्यदल बनाएर अघि बढ्नुपर्छ भनेर अध्यक्ष प्रचण्डले आफ्नो धारणा राख्नु भएको बैठकमा एक स्थायी समिति सदस्यले जानकारी दिनुभयो ।

बैठकमा सबै स्थायी समिति सदस्यहरुले आफ्नो धारणा राखिसकेका छन् । बुधबार अध्यक्षद्वय प्रचण्ड र प्रधानमन्त्री समेत रहनुभएका केपी शर्मा ओलीले जवाफ दिने कार्यक्रम छ । अध्यक्ष प्रचण्डले बैठकमा स्थायी समिति सदस्यहरुले राखेको धारणाका बारेमा जवाफ दिँदै अहिले देखिएको विवाद समाधान गर्न कार्यदल बनाएर अघि बढ्नु पर्नेमा जोड दिनुभएको हो । जारी बैठकबाटै सबै विवाद टुंगो लगाउनुपर्ने भन्दै उहाँले स्थायी समितिबाटै कार्यदल गठन गर्नुपर्नेमा जोड दिनुभयो ।

बैठकमा प्रस्तुत भएको राजनीतिक प्रतिवेदन र त्यसमाथि सदस्यहरुले उठाएका जिज्ञासाको सेरोफेरोमा रहेर अध्यक्ष प्रचण्डले आफ्नो विचार व्यक्त गर्नुभएको पार्टीका प्रवक्ता नारायणकाजी श्रेष्ठले बताउनुभयो ।

बैठकमा स्थायी समिति सदस्यले व्यक्त गरेका धारणा पार्टीलाई सुदृढ र शसक्त बनाउनु पर्छ भन्ने भावनाले आएको भन्दै उहाँले यसले पार्टी एकतालाई झन बलियो बनाएको बताउनुभएको थियो ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पुस अन्त्यसम्म पार्टीभित्र देखिएको समस्या समाधान गर्ने गरी कार्यदल बनाऔँ : प्रचण्ड

फाइल तस्बिर

तपाईको प्रतिक्रिया