८० रुपैयाँ विद्युत महशुल तिर्न २ हजार खर्च !

पुष १३, २०७५ शुक्रबार ११:१:१३ | विमल बिष्ट

डोटी – ८० रुपैयाँ विद्युत महशुल तिर्न डोटीका स्थानीयबासिन्दाले २ हजारसम्म खर्च गर्नुपर्ने बाध्यता छ । ग्रामिण क्षेत्रमा विद्युत महसुल तिर्ने ठाउँ नहुँदा सेवा गा्रहीले घण्टौँ हिँडेर जिल्ला सदरमुकामसम्म आएर विद्युत महशुल तिर्ने गरेका छन् ।

डोटीका ग्रामिण भूभागका सेवा ग्राहीले विद्युतको न्युनतम रकम तिन जिल्ला सदरमुकाम सिलगढी तथा पुरानो क्षेत्रीय सदरमुकाम दिपायल पुग्नु पर्छ ।

शिखर नगरपालिका १ कपल्लेकीका सेवाग्राही दीर्घबहादुर ऐर भन्नुहुन्छ ‘गाउँमा ३/३ महिनामा बिजुलीको मिटर रिडिङ हुने गरेको छ । बिजुलीको शुल्क खासै महंगो हुँदैन । मात्रै ८० रुपैयाँदखि १०० रुपैयाँसम्म हुन्छ । तर त्यो शुल्क बुझाउन सदरमुकाम जानुपर्छ । गाडीभाडा, खानाखर्च सबै हिसाब गर्दा २ हजार रुपैयाँसम्म खर्च हुन्छ ।’

एकै दिनमा बिजुलीको बिल भुक्क्तानी गर्न नसकिने र पालो कुर्नु पर्ने अवस्थामा त झन् समस्या हुने गर्छ । जिल्लाका ग्रामिण क्षेत्रहरु कपल्लेकी, मुडभारा, सानागाउँ, गोपघाटलागायतका क्षेत्रमा विद्युत महशुल बुझाउने काउण्टर खोलिएका भए पनि कार्यालयले कमचारी अभाव भएको भन्दै सबै काउण्टर दिपायल र सिलगढी सारेपछि सेवाग्राहीलाई समस्या भएको हो ।

दिपायलका विद्युत सबस्टेसन प्रमुख भरत द्धारीयाले कर्मचारी अभाव भएकाले गाउँमा भएका काउण्टर दिपायल तथा सिलगढी सार्नु परेको बताउनुभयो । उहाँले भन्नुभयो, ‘कर्मचारीको अभाव भयो काउण्टर सार्नुपर्‍याे, क्षेत्रीय अफिस अत्तरीयाले नयाँ कर्मचारी राख्न आदेश दिएको छैन, ग्राहकलाई समस्या भएको छ ।’

यहाँका ग्रामीण क्षेत्रमा विद्युतको महशुल बुझाउने काउण्टर विस्थापित गरिएपछि सेवाग्राहीलाई महशुल बुझाउनका लागि निकै समस्या भएको शिखर नगरपालिका १ का वडाध्यक्ष खडकबहादुर शाहीले बताउनुभयो । उहाँले भन्नुभयो ‘हामीले फेरि ग्रामिण क्षेत्रमा नै काउण्टर राख्न पहल गरिरहेका छौँ ।’

विद्युतको महशुल तिर्न सदरमुकामसम्म पुग्नुपर्दा डोटीका सेवाग्राहीहरु विद्युत कार्यालयसँग आक्रोशित बनेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्