हुलाक कार्यालयमा स्तनपान कक्ष !

पुष २२, २०७५ आइतबार १६:१७:१० | पुरुषोत्तम गिरी

सल्यान – हुलाक कार्यालयमा पहिलो पटक सुत्केरी महिलालाई लक्षित गरी स्तनपान कक्ष स्थापना गरिएको छ । जिल्ला हुलाक कार्यालय सल्यानले सुत्केरी र शिशुको स्वास्थ्य प्रबर्द्धन गर्ने उद्देश्यले स्तनपान कक्षको स्थापना गरेको कार्यालय प्रमुख धिरेन्द्र भण्डारीले जानकारी दिनुभयो ।

शिशु जन्मेको ६ महिनासम्म अनिवार्य रुपमा आमाको दूध खुवाउनुपर्ने तथा कार्यालयमा सेवा लिन आउने महिलाहरुका लागि स्तनपान कक्ष निर्माण गरिएको कार्यालय प्रमुख भण्डारीले बताउनुभयो ।

‘हुलाकमा आउने महिला सेवाग्राही शिशु बोकेर आउने भएकाले तिनलाई सहज होस् भनेर कक्ष स्थापना गरेका हौैं’, उहाँले भन्नुभयो । स्तनपान कक्ष निर्माण भएसँगै अब सानो दूधे बालक लिएर कार्यालयको काममा आउने कर्मचारी र सेवाग्राही महिलालाई स्तनपान गराउन सजिलो हुने भएको शारदा नगरपालिका–३ बयलडाँडा निवासी इन्द्रा भण्डारीले बताउनुभयो ।

‘कार्यालयले हामीजस्ता महिलालाई मध्यनजर गरेर स्तनपान कक्ष स्थापना गरेकोमा हामी धेरै धन्यवाद दिन चाहन्छौं’, उद्घाटन कार्यक्रममा सहभागी भएकी उहाँले भन्नुभयो, ‘यस्तो सराहनिय र महिला मैत्री काम सबै सरकारी कार्यालय र स्थानीय तहले पनि गर्नु जरुरी छ ।’

स्तनपान कक्ष उद्घाटन कार्यक्रममा सहभागी भएका स्तनपान गराइरहेका आमाहरुलाई न्यानो टोपी र मोजा उपहार स्वरुप प्रदान गरिएको कार्यालयले जनाएको छ । उपहार किन्न कुमारी बैंकले पनि आर्थिक रुपमा केही सहयोग गरेको कार्यालय प्रमुख भण्डारीले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्