पत्रकारमाथि नेपाली सेनाको मेजरले गरे दुर्व्यवहार

पुष २५, २०७५ बुधबार ११:५७:५८ | उज्यालो सहकर्मी

महोत्तरी – महोत्तरीका पत्रकारद्वय निकेश खनाल र ललन मण्डलमाथि नेपाली सेनाले दुव्र्यवहार गरेको भन्दै नेपाल पत्रकार महासंघ महोत्तरी शाखाले आपत्ति जनाएका छन् ।

महासंघका सभापति कमलेश मण्डलले जारी गरेको प्रेस विज्ञप्तिमा सञ्चारकर्मीद्धयमाथि नेपाली सेनाले गरेको दुव्र्यवहार प्रति घोर भत्र्सना गर्दै घट्नाको यथाशीघ्र छानविन गरी दोषी माथि कारबाहीको माग गरेको छ ।

गएको पुस २१ शनिबार मध्यरातमा नेपाली सेनाले पत्रकारमाथि दुव्र्यवहार गरेको आरोप लागेको छ । रातिको समयमा अवैध रुपमा नदी उत्खनन् गरिरहेको गोप्य सूचनाको आधारमा समाचार संकलनका लागि गएका पत्रकारमाथि सेनाले दुर्व्यवहार गरेका हुन् ।

बर्दिबास नगरपालिका वडा नं —१३ मा विजय साहले सञ्चालन गरेको चुरियामाई वासिङ सेन्टरले प्रदेश नं —२ को पृत्तना क्षेत्रभित्र अवैध रुपमा नदी उत्खनन् गरी त्यहाँ भएका गिट्टी बालुवा चुरियामाई वासिङ सेन्टरमा लैजाँदै गरेको अवस्थामा बर्दिवास खबर दर्पणका पत्रकार ललन मण्डल र रातोपाटीका महोत्तरीका सम्बाददाता निकेश खनाललाई नेपाली सेनाका मेजर पुष्कर बस्नेतले दुर्व्यवहार गरेका हुन् ।

पत्रकारसँग सेनाका मेजर बस्नेतले चुरियामाई वासिङ सेन्टरका सञ्चालक विजय साहसँग क्रसरले सेनाको काम गरेबापत सेनाको पेरिमिटरबाट नदीजन्य पदार्थ उत्खनन् गर्न दिने शर्त राखेर सेनाको पेरिमिटर भित्र निर्माणाधीन कामहरु सम्पन्न गर्ने शर्तमा उत्खनन् गर्न दिएको बताउनुभयो । उहाँले सम्झौता अनुसार नै उत्खनन् भएको भन्दै सञ्चारकर्मीले आफूहरुलाई अनावश्यक दुःख दिएको उल्लेख गर्नुभयो । मेजरले सञ्चारकर्मीलाई प्रलोभन देखाउँदै घटनाको समाचार नछाप्न धम्की दिएको पत्रकारद्धयले बताएका छन् ।

सेनाका मेजर बस्नेतले आफूले सबै काम पृत्तना पतिकै आदेशमा गरेको जानकारी गराउँदै सेनाको पेरिमिटर भित्र हुने सम्पूर्ण क्रियाकलापमा नेपाली सेनाकै अधिकार रहेको हुँदा आफूहरुले गरेको क्रियाकलाप कानुन संवत् रहेको भन्दै प्रहरी तथा सञ्चारकर्मीलाई घटनास्थलबाट फर्काएका थिए ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्