महोत्तरीको गौशाला बजारको अनुगमनमा व्यापारीको अवरोध

पुष २५, २०७५ बुधबार १५:५३:३४ | धनवीर महतो

महोत्तरी – महोत्तरीको गौशाला बजारको अनुगमन व्यापारीहरुले अवरुद्ध गरेका छन । बुधबार नगरपालिकाको बजार अनुगमन टोलीलाई बजारका व्यापारीहरुले अवरुद्ध गरेपछि अनुगमन कार्य प्रभावित भएको हो ।

जिल्ला प्रशासन कार्यालय महोत्तरीले प्रतिबन्धित गरेको ‘दो फूल’ नामक खानेतेल बजारमा खुलेआम रुपमा बिक्री भइरहेको सन्दर्भमा नगरपालिकामा गठन भएको अनुगमन टोलीले पसलहरुमा नियन्त्रणमा लिन खोजेपछि व्यापारीहरु सटर बन्द गर्दा अनुगमन कार्य प्रभावित भएको नगर उपप्रमुख एवम अनुगमन टोलीका संयोजक आशा लामाले बताएका छन ।

बजार अनुगमन उपभोक्ता हकहितका लागि निस्किएता पनि केही व्यापारीहरुले त्यो कार्यलाई विरोध जनाएर पसल बन्द गरी विरोध जनाएपछि तत्कालको लागि अनुगमन कार्यलाई स्थगित गर्नुपरेको उपप्रमुख लामाले बताईन ।

अनुगमनको अवरोध सम्बन्धमा भोलि नै समितिसँग थप छलफल गरी आवश्यक कदम उठाइने तयारीमा जुटेको गौशाला नगरपालिकाको कार्यालयले जनाएको छ । गौशालालगायतका बजारमा दो फूल नामक खानेतेल खुलेआम रुपमा बिक्री वितरण भइरहेको खबर व्यापक रुपमा चर्चाको विषय बनेपछि अनुगमन शुरु गरिएको नगरपालिकाको कार्यालय स्रोतले जनाएको छ ।

केहीदिन अगाडि प्रमुख जिल्ला अधिकारी उमेशकुमार ढकालको सयोजकत्वमा बसेको बैठकले जिल्लाभरिमा नै ‘दो फूल’ नामक खानेतेल खरिद बिक्रीमा प्रतिबन्ध लगाउने निर्णय गरेको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्