कारागारका कैदीलाई पुस्तकालय

पुष २६, २०७५ बिहीबार ११:८:४३ | उज्यालो सहकर्मी

जुम्ला – कर्णाली प्रदेश सरकारको निर्देशनमा प्रदेशका कारगारमा कैदीहरुलाई मध्यनजर गर्दै पुस्तकालय स्थापना हुने भएको छ ।

जिल्ला प्रहरी कार्यालय जुम्लाले एक कार्यक्रमको आयोजना गरेर कारागारका कैदीहरुलाई अध्ययनका लागि पुस्तकहरु संकलन सुरु गरेको छ ।

कर्णाली प्रदेश प्रहरीको कार्यक्रम अन्तर्गत कारागारमा पुस्तक संकलन गरेर कैदीहरुलाई अध्ययनशील बनाउन प्रयास गरिने छ । जिल्ला राजनैतिक दल, नागरिक समाज र सरोकारवाला निकायहरुको उपस्थितिमा यो कार्यक्रम सुरु गरिएको हो ।

अब काररागारमा एक कोठामा पुस्तकालय हुने प्रहरी नायव उपरीक्षक सिताराम रिजालले जानकारी दिनुभयो । उहाँले भन्नुभयो ‘हामीले पुस्तक संकलन अभियान गरेका छौँ ।’

कार्यक्रममा पत्रकार कर्णबहादुर भण्डारी र डिवी बुढाले जिल्ला प्रहरी कार्यालयलाई ३० वटा पुस्तक हस्तान्तरण गरेका छन् । पत्रकार भण्डारीले २४ र बुढाले ६ किताब कारागारमा राख्न प्रहरी नायव उपरीक्षक सिताराम रिजाललाई हस्तान्तरण गरेका हुन् ।

यसैगरी पुस्तक संकलन गर्नका लागि ११ सदस्यीय उपसमितिसमेत गठन भएको छ । निर्देशिका अनुसार जिल्ला प्रहरी कार्यालय प्रमुखको संयोजकत्वमा महिला, पत्रकार, उद्योगी र सरोकारवाला निकायहरुको सहभागिता समिति गठन भएको जिल्ला प्रहरी कार्यालयले जानकारी दिएको छ ।

कारागारको समयलाई समेत उत्पादनशील, अध्ययन तथा ज्ञानवर्दक शिक्षाका लागि कर्णाली प्रदेश सरकार विशेषगरी आन्तरिक मामिला तथा कानुनमन्त्रालयले यो अभियान सुरु गरेको हो ।

नागरिक समाजका अध्यक्ष राजबहादुर महतले कार्यक्रम निकै राम्रो भएको बताउनुभयो । किताब संकलन भएपछि पुस्तकालय सुरु गरिने जिल्ला प्रहरी कार्यालयले जानकारी दिएको छ । यो अभियान कर्णाली प्रदेशभर संचालन हुने बताइएको छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्