जापानी विदेशमन्त्री कोनोद्वारा राष्ट्रपति र प्रधानमन्त्रीसँग छुट्टाछुट्टै भेटवार्ता

पुष २६, २०७५ बिहीबार १२:२४:२३ | उज्यालो सहकर्मी

काठमाडौं – जापानी विदेशमन्त्री तारो कोनोले राष्ट्रिपति विद्यादेवी भण्डारी र प्रधानमन्त्री केपी शर्मा ओलीसँग छुट्टाछुट्टै भेटवार्ता गर्नुभएको छ । नेपाल र जापानबीच हवाई सम्झौता नविकरण गर्न बुधबार काठमाडौं आइपुग्नुभएका कोनोले राष्ट्रपति भण्डारी र प्रधानमन्त्री ओलीसँग भेट गर्नुभएको हो ।

राष्ट्रपति भवन शितलनिवासमा भएको भेटमा राष्ट्रपति भण्डारीले नेपालले पनि विकसित देशको रुपमा अरु देशसँग सहकार्य गर्न चाहेको बताउनुभयो । यस्तै प्रधानमन्त्री केपी शर्मा ओली र जापानी विदेशमन्त्री कोनोबीच बुधबार भएको सहमतिका आधारमा काठमाडौंदेखि टोकियोसम्म सिधा उडान गर्ने बारेमा छलफल भएको छ ।

नेपालको पूर्वाधारको क्षेत्रमा ठूलो सहयोग रहेको भन्दै कोनोले कृषिलगायतका अरु क्षेत्रमा पनि सहयोग गर्ने बताउनुभयो । नेपालबाट जापानमा कामदार लैजाने विषयमा अध्ययनको लागि आउँदो हप्ता नै जापानका प्रतिनिधि नेपाल आउने र चैतदेखि नेपाली कामदार जान पाउने गरी प्रक्रिया अघि बढाउने तयारी भएको पनि जापानी परराष्ट्रमन्त्री कोनोले बताउनुभयो ।

भेटमा राष्ट्रपति भण्डारी र प्रधानमन्त्री ओलीले जापानी परराष्ट्रमन्त्री कोनोलाई जन्मदिनको शुभकामना पनि दिनुभएको छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्