प्रहरीको फोनले अपहरणकारीबाट बचे एक युवक

माघ १, २०७५ मंगलबार १७:३८:२३ | उज्यालो सहकर्मी

कैलाली – धनगढीको जलशा होटलमा दुई कामदारबीच सामान्य विवाद हुँदा एक युवक अपहरणमा परेका छन् ।

जलशा होटलको रेस्टुरेन्टमा काम गर्ने २० वर्षीय चक्र खड्का र १९ वर्षीय वसन्त भाटबीचको समान्य विवाद चुलिँदा एक युवक अपहरणमा परेका हुन । विवाद बढेपछि खड्काले साथीहरु बोलाएर भाटलाई मोटरसाइकलमा राखी मोहना नदीतर्फ लैजाँदै गर्दा प्रहरीले भाटको उद्धार गरेको छ ।

घटना बिहान ९ बजेतिर भएको प्रहरीले जनाएको छ । खड्काले चारपाँच जना साथी बोलाएर आफूलाई ‘मार्छु’ भन्दै मोटरसाइकलमा जबरजस्ती राखेर मोहना नदीतर्फ लगेको अपहरणबाट मुक्त भएका भाटले बताउनुभयो ।

कैलाली जिल्ला प्रहरी कार्यालयका निमित्त प्रवक्ता प्रहरी निरीक्षक गोविन्द खड्काले भाटको अपहरणमा संलग्न चक्र खड्का, धनगढी–२ का १९ वर्षीय हर्केश बाग र १९ वर्षीय कुन्दन जोशीलाई पक्राउ गरेको छ ।

अपहरणमा प्रयोग भएको से ७ प ३४४५ नम्बरको मोटरसाइकल प्रहरीले नियन्त्रणमा लिएको छ । अपहरणमा संलग्न अन्यको खोजी कार्य जारी रहेको खड्काले जानकारी दिनुभयो ।

वडा प्रहरी प्रमुख प्रहरी निरीक्षक वकिल सिंहले भाटको मोबाइलमा फोन गर्दा अपहरणकारीले नै उठाएर भाटलाई ‘हामी मारेर खाल्डोमा गाड्ने तयारीमा छौं’ भनेको र सिंहले ‘तिमीहरु को हौ र कति नम्बरको मोटरसाइकल चलाएका छौ ?, त्यो सब थाहा छ । म गोली हानेर उडाउँछु’ भनेर डर देखाएपछि उनीहरु भागेको प्रहरीले अनुमान छ । अपहरणमा संलग्न एकजना अझै फरार छन् ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रहरीको फोनले अपहरणकारीबाट बचे एक युवक

प्रतिकात्मक तस्बिर

तपाईको प्रतिक्रिया