पहाडी क्षेत्रको मौसममा बदली, पश्चिममा पानी पर्ने सम्भावना

माघ ३, २०७५ बिहीबार ८:२३:४१ | उज्यालो सहकर्मी

काठमाण्डौ – बिहीबार उपत्यकासहित धेरै ठाउँको मौसम बदली भएको छ । पश्चिमी वायुको प्रभावले बुधबारदेखि नै धेरै ठाउँको मौसम बदली भएको जल तथा मौसम पूर्वानुमान महाशाखाले जनाएको छ ।

पश्चिमी वायुको प्रभावले पहाडी क्षेत्रको मौसम पूर्ण रुपमा नखुल्ने मौसमविद शान्ति कँडेलले जानकारी दिनुभयो । पहाडी क्षेत्रको मौसम एकैछिन खुल्दै फेरि बदली भइहाल्ने उहाँको अनुमान छ । पश्चिमको एक दुई ठाउँमा पानी पनि पर्न सक्छ । यस्तै उच्च हिमाली भेगमा हिमपातको संभावना छ । तराई क्षेत्रको मौसम भने सफा रहने मौसमविद् कँडेलले जानकारी दिनुभयो ।

यो प्रणाली बिहीबार रातिदेखि हटे पनि अर्को प्रणाली पश्चिम प्रवेश गर्न लागेकाले अबको केही दिन पहाडी क्षेत्रको मौसम पूर्ण रुपमा नखुल्ने संभावना रहेको मौसमविद्ले बताएका छन् । बिहीबार बिहान ३ दशमलव २ डिग्री सेल्सियस रहेको काठमाण्डौको दिउँसोको तापक्रम १८ देखि २० डिग्री सेल्सियससम्म पुग्ने मौसम पुर्वानुमान महाशाखाको अनुमान छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्