बझाङमा सवारी भाडादर घट्यो

माघ ३, २०७५ बिहीबार १८:१:१६ | उज्यालो सहकर्मी

बझाङ – बझाङ जिल्लामा सवारी साधनको भाडादर घटेको छ ।

बुधबार जिल्ला प्रशासन कार्यलयमा बसेको सरोकारवालाहरुको बैठेकले लामो तथा छोटो दूरीमा चल्ने सबै सवारीका साधनहरुको भाडादर घटाएको हो । २०६८ सालदेखि लागू भएको भाडादरलाई हटाएर नयाँ भाडादर कार्यान्वयन गरिएको हो ।

२०६८ सालमा सरोकारवालाहरुको बैठेकले नै प्रति किलोमिटर कच्ची सडकको भाडादर १० रुपैयाँ र पक्की सडकको ५ रुपैयाँ भए पनि अहिले पक्की सडकको ३ रुपैयाँ प्रतिकिलोमिटर र कच्चीको ८ रुपैयाँ तोकिएको प्रमुख जिल्ला अधिकारी प्रेमसिंह कुँवरले बताउनुभयो ।

बढीजस्तो छोटो दूरीमा चल्ने सवारीधनीहरुले मनोमानी भाडादर लिने गरेको व्यापक जनगुनासो आएपछि सरोकारवालासँग समन्वय गरी सर्वसम्मतबाट नै भाडादर कार्यान्वय हुने गरी नयाँ भाडारद तोकिएको उहाँको भनाई छ ।

अब सवारी धनी तथा चालकहरुले सेवाग्राहीहरुलाई नठग्ने गरी प्रत्येक ठाउँको भाडादर देखिने गरी सवारी साधनमा टाँस्नुपर्ने र टिकट काउन्टरमा प्रत्येक ठाउँको दर लिष्टसहित होडिङबोर्ड राख्न लगाउने निर्णय समेत भएको प्रमुख जिल्ला असिधकारी कुँवरले बताउनुभयो ।

जिल्ला प्रशासन कार्यलयले निर्णय कार्यान्वयनका लागि प्रत्यक स्थानीय तहहरुलाई पत्राचार गरिसकेको छ । सवारी साधनमा क्षमताभन्दा बढी यात्रु बोक्ने सवारी चालक तथा सवारी धनीलाई मसेत कडा कारबाही गर्ने निर्णय भएको प्रमुख जिल्ला अधिकारी प्रेमसिंह कुँवरले बताउनुभयो ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्