क्षमता छ भने विपी मार्ग खारेज गरेर केपी ओली मार्ग बनाएर देखाइयोस् : गच्छदार

माघ ७, २०७५ सोमबार १३:१४:३ | उज्यालो सहकर्मी

काठमाण्डाै – नेपाली कांग्रेसका उपसभापति विजयकुमार गच्छदारले गिरिजाप्रसाद कोइराला र सुशील कोइरालाको नाउमा स्थापना भएको स्वास्थ्य संस्था सरकारले खारेज गर्न लागेको भन्दै आपत्ति जनाउनुभएको छ ।

प्रतिनिधिसभाको सोमबारको बैठकलाई सम्बोधन गर्दै गच्छदारले कांग्रेसका नेताहरुको नाममा स्थापना गरिएको स्वास्थ्य संस्था खारेज गर्न खोज्नु सरकारको पूर्वाग्रही नियत देखिएको दाबी गर्नुभयो ।

प्रधानमन्त्री केपी शर्मा ओलीले केही समय अघि संसदलाई सम्बोधन गर्दा पनि यसबारेमा सकारात्मक निर्णय हुने भनेर बोलेको कुरा अहिले आउँदा झुटो सावित भएको भन्दै उहाँले प्रधानमन्त्री आफैँले बोलेको कुरा झुटो हुन्छ भने सरकार प्रति नागरिकले कसरी विश्वास गर्ने भन्दै प्रश्न गर्नुभयो ।

नेपाली कांग्रेसका नेताहरुको नाममा स्थापना भएका सबै संरचना खारेज गर्ने हो भने विश्वेश्वरप्रसाद कोइरालाको नाममा स्थापना भएको विपी राजमार्ग खारेज गरेर देखाउन सरकारलाई चुनौती दिनुभयो ।

‘दुई तिहाइको अहंकारमा जे पनि गर्दा हुन्छ भन्ने मानसिकता होला’ उहाँले भन्नुभयो, सरकारसँग क्षमता छ भने विपी मार्ग खारेज गरेर देखाओस् अनि सक्नुहुन्छ भने त्यसलाई केपी शर्मा ओली मार्ग बनाएर देखाइयोस् ।'

गिरिजाप्रसाद कोइराला र सुशील कोइरालाको नाममा स्थापना भएको स्वास्थ्य संस्थाको अस्तित्व कायम राख्न ठोस आदेश नभएसम्म सदनको कुनै पनि कारवाही अघि बढ्न नसक्ने बताउनुभयो ।

गच्छदारले बोल्नुभए लगत्तै कांग्रेस सांसदहरुले उठेर सदनको कारवाही बहिष्कार गरेका छन् । कांग्रेस सांसदको विरोधका कारण संसदको सोमबारको बैठक १५ मिनेटका लागि स्थगित गरिएको छ ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्