मकलमा ताप्दै गरेकाे आगाे सल्किँदा तेह्रथुमको बसन्तपुरमा डेढ करोड बढीको क्षति, तीन घर नष्ट

माघ १०, २०७५ बिहीबार २०:५०:१९ | प्रकाश धौलाकोटी

तेह्रथुम – तेह्रथुमको लालीगुराँस नगरपालिकाको केन्द्र बसन्तपुर बजारमा बिहीबार आगलागी हुँदा डेढ करोड रुपैयाँ बढीको क्षति भएको छ ।
आगो निभाउने क्रममा एक व्यक्ति घाइते भएका छन् ।

लालीगुराँस नगरपालिका–२ को मध्यबजारमा भएको आगलागीबाट लालबहादुर याख्खाको ढुंगामाटोको गाह्रो र जस्ताको छानो भएको दुईतले घर पूर्ण रुपमा नष्ट भएको छ ।

आगो नियन्त्रणका क्रममा छिमेकी रेनुका गुरुङ र फुलमाया गुरुङको घरमासमेत क्षति पुगेको छ भने स्थानीय ५० वर्षीय गोपाल गुरुङ घाइते हुनुभएको छ । उहाँको स्थानीय बसन्तपुर प्राथमिक स्वास्थ्य केन्द्रमा उपचार भइरहेको नगरप्रमुख अर्जुन माबोहाङले बताउनुभयो ।

साँझ करिब पौने पाँच बजे मकलमा आगो तापेर बसेका व्यापारी छेतेन शाहको पसलबाट आगो निस्किएको थियो ।

पेट्रोल र ग्याँसको समेत व्यापार गर्ने शाहको पसलमा मकलको आगो भूइँमा पर्दा आगो सल्किएको र आगलागी भएको प्रहरीले जनाएको छ ।

नगरपालिकाको केन्द्रमै भए पनि समयमा दमकल नआएपछि स्थानीयवासीले सडकमा रहेको खानेपानीको पाइप फुटाएर आगो नियन्त्रणमा सक्रियता देखाएका कारण ठूलो क्षति जोगियो ।

पछि दमकल र स्थानीयवासी तथा प्रहरीको सक्रियतामा करिब छ बजे आगो नियन्त्रणमा आएको इलाका प्रहरी कार्यालय बसन्तपुरले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्