गाडीले ठक्कर दिँदा माेटरसाइकल चालककाे ज्यान गयाे

माघ १२, २०७५ शनिबार १४:२७:२८ | उज्यालो सहकर्मी

रौतहट – रौतहटकाे गौर-चन्द्रनिगाहपुर खण्डकाे चन्द्रपुर-८ मा शनिबार बिहान भएको मोटरसाइकल दुर्घटनामा एकजनाको ज्यान गएको छ ।

मोटरसाइकललाई अर्को गाडीले ठक्कर दिँदा दुर्घट्ना भएको खुल्न आएकाे तर ठक्कर दिने गाडीको पहिचान भने भएको छैन ।

त्यस खण्डको सन्तपुर पोखरी नजिकै ग ४ प २१९२ नम्बरको मोटरसाइकललाई अर्को गाडीले ठक्कर दिँदा दुर्घट्ना भएको इलाका प्रहरी चन्द्रनिगाहपुरले

जनाएको छ । मोटरसाइकल चालक रंगपुर ६ बस्ने २४ वर्षका मुकेश चौधरी थारुको मृत्यु भएको इलाका प्रहरी कार्यालयका डीएसपी युवराज खड्काले बताउनुभयाे ।

मृतक थारु टाउकोको दाहिने भागमा चोट लागेर घाइते भएका थिए । उनलाई तत्काल उपचारको लागि चन्द्रपुरमा रहेकाे सरकारी अस्पतालमा ल्याइएको र उपचार गर्ने क्रममा चिकित्सकले मृत्यु भएको बताएका थिए ।

शवलाई पोष्टमार्टमका लागि अस्पताल राखिएको र ठक्कर दिने गाडीको खोजतलास भइरहेको प्रहरीले जनाएकाे छ ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्