व्यापारीमाथि गरिएकाे हातपातको विरोध विराेधमा गौशाला बजार बन्द

माघ १२, २०७५ शनिबार १९:५३:५ | धनवीर महतो

महोत्तरी - आफूहरुमाथि हातपात गरिएको भन्दै व्यापारीहरुले शनिबार गौशाला बजार बन्द गराएका छन् ।

बिहान गौशाला बजारभित्र रहेको टहराहरु हटाउने क्रममा विवाद हुँदा व्यापारीहरुमाथि केही व्यक्तिहरुले हातपात गरेको भन्दै त्यसको विराेधमा बजार बन्द गराइएकाे व्यापारीहरु बताउँछन् ।

व्यापारीहरुले घटनाको निष्पक्षरुपमा छानबिन गरी दोषीमाथि कारबाहीको माग गर्दै अनिश्चितकालिन बजार बन्द गराएको गौशाला उद्योग वाणिज्य संघका सचिव सुनिलचन्द्र झाले बताउनुभयाे । झा का अनुसार छानबिन नहुन्जेलसम्म बजार बन्द रहनेछ। ह

शनिबार बिहान गौशाला नगरपालिकाले सडकभित्र पर्ने टहरा हटाउने क्रममा नालामा राखिएको स्ल्याबसमेत हटाएको भन्दै केही युवाहरुले आपति जनाएका थिए ।

सूचना दिएता पनि सामान हटाउनको लागि म्याद नदिँदा व्यापारीहरुलाई क्षति भएको भन्दै युवाहरु आक्रोशित भएका थिए । सोही क्रममा घटनास्थलमा रहेका बजार सुधार्नका लागि गठित सर्वदलीय समितिका पदाधिकारीहरु र ती युवाहरुबीच चर्काचर्कीसमेत भएको थियो ।

त्यसै क्रममा स्थानीय व्यापारी पंकज साह र सन्तोष साहमाथि ती पदाधिकारीमध्येका केही सदस्य र प्रहरीले हातपात गरेको घटनास्थलमा रहेका प्रत्यक्षदर्शी व्यापारीहरुले बताएका छन ।

नगरपालिकाको कार्यालयले सुरु गरेको टहरा हटाउने कार्य तत्कालको स्थगित गरेको छ । नगरपालिकामा केही दिन अगाडि गठन भएको सर्वदलीय समितिले शुक्र‍बार गौशाला-४ मा रहेकाे कित्ता नं. ९२ मा रहेको २२ कटठा जग्गा खाली गराएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्