प्रदेश २ मा मन्त्रीले सचिव कुटेको घटना छानबिन गर्न गठन भएको समितिकाे समय थप

माघ १६, २०७५ बुधबार २०:५७:२९ | उज्यालो सहकर्मी

काठमाण्डाै - प्रदेश २ मा मन्त्रीले सचिव कुटेको घटना छानबिन गर्न गठन भएको छानविन टोलिले तोकेको समयमा प्रतिवेदन तयार पार्न नसकेपछि फेरी समय थपिएको छ ।

गएको पुस २९ गते प्रदेश २ का आर्थिक मामिला तथा योजना मन्त्री विजय यादवले आफ्नै कार्यकक्षमा बोलाएर पर्यटन, वन तथा वातावरण मन्त्रालयका सचिव विद्यानाथ झालाई कुटपिट गरेका थिए ।

घटनाकाे छानबिन गर्न त्यही दिन बेलुका ७ दिनभित्र प्रतिवेदन तयार पार्ने गरी ३ सदस्यीय छानबिन समिति गठन भएको थियो ।

आफूले भनेको एनजीओलाई कार्यक्रम नपार्दा आर्थिक ममिला तथा योजना मन्त्री विजय यादवले आफूलाई कुटपिट गरेकाे सचिव झाले बताउनुभएकाे थियाे ।

मन्त्री यादवले कार्यकक्षमै बोलाएर प्रदेश २ का सभामुख सरोज यादवकै अगाडि झापड तथा लातले हानेको सचिवले बताएका थिए । कुटपिटबाट घाइते भएका झाकाे अस्पताल उपचार भएकाे थियाे ।

सचिव कुटिएकाे घटनाकाे यथार्थ पत्ता लगाउन प्रदेश २ सरकारले कानुनमन्त्री ज्ञानेन्द्रकुमार यादवको संयाेजकत्वमा तीन सदस्यीय टाेली बनाएकाे थियाे ।

कानुनमन्त्री यादवकाे संयोजकत्वमा रहेको समितिलाई ६ दिनको समय दिइएको भए पनि अझैसम्म पनि समितिले कुनै छानबिन अगाडि बढाएकाे छैन ।

६ दिनकाे समय अनुसार गएकाे माघ ४ मै समितिले प्रतिवेदन बुझाउनुपर्ने थियो। तर, सयमै समितिले प्रतिवेदन बुझाउन नसकेपछि अहिले फेरि समय थप गरिएकाे हाे ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्