डाक्टर केसीको अनसन तोडाउने काम उहाँलाई बोक्नेहरुकै हो : सञ्चारमन्त्री बास्कोटा

माघ १७, २०७५ बिहीबार १७:५८:२ | उज्यालो सहकर्मी

काठमाण्डौ – सरकारले डा. गोविन्द केसीको अनसन तोडाउने काम उहाँलाई बोक्नेहरुकै भएको जनाएको छ ।

सरकारका प्रवक्ता एवम् सूचना तथा सञ्चार प्रविधिमन्त्री गोकुल बास्कोटाले डा. केसीको अनसन तोडाउने काम उहाँलाई बोक्नेहरुकै जिम्मा भएको प्रतिक्रिया दिनु भएको हो । बिहीबार मन्त्रिपरिषद बैठकको निर्णयबारे जानकारी दिन आयोजित नियमित पत्रकार सम्मेलनमा बोल्दै उहाँले राष्ट्रिय चिकित्सा शिक्षा विधेयकले डा. केसीको सबै काम पूरा गरेको दाबीसमेत गर्नुभयो ।

मन्त्री बास्कोटाले त्यो विधेयक संसदको दुवै सदनबाट पारित भएकाले यस सम्बन्धमा बहस गरिरहनुको औचित्य नरहेको पनि स्पष्ट पार्नुभयो । उहाँले प्रमुख प्रतिपक्ष नेपाली कांग्रेसलाई संसदले पारित गरिसकेको त्यस विधेयकमाथि अनावश्यक बहस निकालेर संसद अवरोध नगर्न पनि चेतावनी दिनुभयो ।

कांग्रेसले ‘पूर्व ताकेर पश्चिममा प्रहार’ गर्न खोजिरहेको मन्त्री बास्कोटाको भनाई छ । मन्त्री बास्कोटाले डा. केसीसँग गरिएको सहमतिअनुसार प्रधानमन्त्री केपी ओलीकै अगुवाईमा त्यो विधेयक संसदबाट पारित गरिएको पनि स्पष्ट पार्नुभयो ।

मन्त्री बास्कोटाले एउटा व्यक्तिको मागलाई बोकेर संसद अवरोध गर्ने काम कसैले पनि गर्न नहुने बताउनुभयो ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्