समयमै छोराछोरीको जन्मदर्ता गराए एक हजार सुत्केरी भत्ता

माघ १८, २०७५ शुक्रबार ७:४९:५८ | उज्यालो सहकर्मी

सुर्खेत – वीरेन्द्रनगर नगरपालिका वडा नम्बर ८ ले समयमै छोराछोरीको जन्मदर्ता गराउने महिलालाई एक हजार सुत्केरी भत्ता दिने गरेको छ । बच्चा जन्मिएको ३५ दिनभित्र वडा कार्यालयमा आएर छोराछोरीको जन्मदर्ता गराए सुत्केरी भत्ता दिइने गरेको वडा अध्यक्ष थम्मप्रसाद गौतमले जानकारी दिनुभयो ।

समयमा जन्मदर्ता नगराउँदामा भविष्यमा हुने विभिन्न समस्या आउन नदिनका लागि यस्तो कार्यक्रम ल्याइएको उहाँले जानकारी दिनुभयो । अहिलेसम्म १८ जनाले वडा कार्यालयबाट ३५ दिन भित्र छोराछोरीको जन्मदर्ता गराएर प्रति व्यक्तिले एक हजार भत्ता प्राप्त गरेका छन् ।

‘हामीले वडामा धेरै जसो महिलाहरुको बिवाह दर्ता भएको पाएनौँ । जसले गर्दा महिलाहरु श्रीमानले दोस्रो विवाह गर्दा समस्या भोग्नु परेको, छोराछोरीको भविष्य अन्यौल भएको, महिलाहरुले पाउने अधिकारबाट बञ्चित भएका पायौँ’ अध्यक्ष गौतमले भन्नुभयो, ‘त्यसैले हामीले जन्म दर्ता गराए सुत्केरी भत्ता दिने कार्यक्रम ल्याएका हौँ ।

छोराछोरीको जन्मदर्ता गर्न आउँदा बुवाआमाको विवाह दर्ता अनिवार्य भएको हुनुपर्छ । यसले विवाह दर्ता गरुन् भन्ने उद्देश्यले पनि हामीले यो कार्यक्रम ल्याएका हौँ ।’ उहाँले वडा कार्यालयको आन्तरिक स्रोतबाट नैै भत्ता दिने गरेको बताउनुभयो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्