अस्पतालको आकस्मिक बाहेकका सबै सेवा ठप्प पार्दै प्रदर्शनमा उत्रिएका १७ जना स्वास्थ्यकर्मी पक्राउ

माघ १८, २०७५ शुक्रबार १३:२७:१८ | उज्यालो सहकर्मी

काठमाण्डौ – स्वास्थ्यकर्मीहरुले शुक्रबार देशभरका आकस्मिक बाहेकका सबै सेवा बन्द गरेका छन् । बन्द र प्रर्दशनका क्रममा काठमाण्डौको महाराजगञ्जमा रहेको त्रिवि शिक्षण अस्पतालबाट १७ जना स्वास्थ्यकर्मीलाई प्रहरीले पक्राउ गरेको छ ।

डाक्टर गोविन्द केसीको जीवनरक्षाको माग गर्दै त्रिवि शिक्षण अस्पतालमा प्रदर्शन गरिरहेका डाक्टरलाई प्रहरीले पक्राउ गरेको छ ।

२४ दिनदेखि अनसन बसिरहेका डाक्टर केसीको जीवनरक्षाका लागि सरकारले पहल नगरेको भन्दै आज अस्पतालको आकस्मिक सेवा बाहेक उपचार नगर्ने घोषणा गरी जुलुस निकालेका १७ जना आवासीय डाक्टरलाई प्रहरीले पक्राउ गरेको हो ।

शिक्षण अस्तालबाट शीतल निवासतर्फ अघि बढेपछि डाक्टरहरुलाई प्रहरीले पक्राउ गरेको हो । प्रहरीले आवासीय चिकित्सक संघका अध्यक्ष सुमित पाण्डेसहित डाक्टरहरु विशाल अग्रवाल, अमित शर्मा, बद्री अर्याललगायतका १७ जनालाई पक्राउ गरेको हो ।

आमरण अनसनरत डा. गोविन्द केसीको जीवन रक्षाका लागि पहल गर्न सरकारलाई दबाब दिन नेपाल चिकित्सक संघको आह्वानमा शुक्रबार देशभरका अस्पतालहरुमा आकस्मिक बाहेकका सबै सेवा बन्द गरिएको हो ।

अस्पतालको आकस्मिक बाहेकका सबै सेवा बन्द गरिरहेका चिकित्सकहरुले डा. केसीको जीवन रक्षाको माग गर्दै सरकारविरुद्ध चर्का नाराबाजीसमेत गरेका छन । महाराजगञ्जस्थित शिक्षण अस्पतालका आवासीय चिकित्सकहरुले डा. केसीको जीवन रक्षाका लागि पहल नगरेको भन्दै सरकारविरुद्ध नाराबाजी लगाएका हुन ।

चिकित्सकहरुले वीर अस्पताल, शिक्षण अस्पताललगायतका काठमाडौंमा मुख्यमुख्य अस्पतालका आकस्मिक बाहेकका सबै सेवा बन्द गर्दा बिरामीहरु भने मारमा परेका छन् ।

संघले आफूहरुको आन्दोलनका कारण सर्वसाधारणमा पर्न गएको असुविधाप्रति दुःख पनि व्यक्त गरेको छ । संघले वार्ता र संवादको माध्यमबाट वर्तमान समस्याको समाधान गर्न पनि सरकारलाई अपिल गरेको छ ।

अन्तिम अपडेट: फागुन २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्