नेपालीको समृद्धिको सपना यही सरकारको पालामा: प्रधानमन्त्री ओली

माघ १९, २०७५ शनिबार १९:२०:२ | आशिष विश्वकर्मा

सिरहा – प्रधानमन्त्री केपी शर्मा ओलीले नेपालीको समृद्धिको सपना यही सरकारले पूरा गर्ने बताउनुभएको छ ।

सिरहा सदरमुकाममा शनिबार आयोजित शहीद हेमनारायण यादवको १५ औं स्मृतिसभालाई सम्बोधन गर्दै प्रधानमन्त्री ओलीले गरिबी, बेरोजगारी अन्त्य गरी मुलुकलाई समृद्ध बनाउने योजनाका साथ सरकारले काम अगाडि बढाएको बताउनुभयो ।

उहाले प्रदेश २ मा विकास निर्माणको कामले गति लिन थालिसकेको बताउनुभयो । उहाँले भन्नुभयोे, ‘निजगढ अन्तर्राष्ट्रिय विमानस्थल निर्माण, पूर्व–पश्चिम रेल्वे, तराई काठमाण्डौ जोड्न निजगढ काठमाडौं फास्र्ट क निर्माण, औद्योगिकग्राम स्थापना, धार्मिकस्थलको संरक्षण र विश्व विद्यालयको स्थापना, सिँचाइका पूर्वाधारहरुको विकास, कल कारखानाको स्थापना लगायतका विकास निर्माणका योजना विस्तारको गृहकार्य अगाडि बढाइ सकिएको छ ।’

तराइ मधेसको समृद्धिविना नेपाल समृद्ध हुन नसक्ने भन्दै नेपाका अध्यक्ष समेत रहेका प्रधानमन्त्री ओलीले यहाँको युवालाई यही रोजगारीका अवसर सिर्जना गरिने बताउनुभयो ।

प्रधानमन्त्री ओलीले भन्नुभयो, ‘मधेसको उर्वरभूमिको सही सदुपयोग गर्न सक्नुपर्दछ,सहकारिताको माध्यमबाट यहाँ उत्पादन हुने अन्न, फलफूल विदेश निर्यात गर्न सकिए छिटै समृद्ध हुन्छ ।’

मन्तव्यकै क्रममा प्रधानमन्त्री ओलीले नेकपा नेकपा मधेस विरोधी नभएको पनि बताउनुभयो ।

त्यसै अवसरमा भौतिक योजना तथा यातायात मन्त्री रघुबीर महासेठले २ नम्बर प्रदेशमा सडक, खानेपानी, स्वास्थ्य, शिक्षा लगायत सबै कुरा समेटेर विशेष प्याकेज ल्याइएको स्पष्ट पार्दै मधेशकै लाइफ लाइनको रुपमा रहेको हुलाकी राजमार्गको स्तरोन्नतिको काम तीव्र रुपमा भइरहेको जानकारी दिनुभयो ।

नेता हेमनारायण यादवलेको २०६० माघ १९ गते पार्टीको बैठकमा सिरहा घरबाट धनगढी जानेक्रममा गागनखोलाबाट अपहरणगरी हत्या गरिएको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

आशिष विश्वकर्मा

आशिष विश्वकर्मा सिरहाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्