प्रदेश १ को तेस्राे अधिवेशन आजदेखि सुरु हुँदै

माघ २०, २०७५ आइतबार ९:२७:१० | उज्यालो सहकर्मी

माेरङ – प्रदेश १ को तेस्राे अधिवेशन आइतबारदेखि सुरु हुँदैछ । गएकाे असोजमा दोस्राे अधिवेशन सकिएसँगै स्थगित भएको संसद आजदेखि सुचारु हुन लागेको हो ।

संसदमा केही विधेयक दर्ता भएको छन् भने समितिमा केही विधेयक नयाँ आएको संसद सचिवालयले जनाएको छ । यही अधिवेशनबाट प्रदेशको नाम र राजधानीको विषयलेसमेत प्रवेश गराउने तयारीमा प्रदेश सरकार देखिएको छ ।

आइतबारदेखि सुरु हुने अधिवेशनबाट केही विधेयक संशोधन तथा केही विधेयक नयाँ गरी अहिलेसम्म ६ वटा विधेयक पारित गराउने तयारी छ । साभामुख प्रदीप भण्डारीका अनुसार, खेलकुद विधेयक समितिमा जाने तयारीमा रहेको छ ।

संशोधनका अरु ४ विधेयक पनि रहेको छन् भने प्रदेशसभामा सहकारी, विद्युत, शुसाशन र भवन विधेयक दर्ता भएका विधेयक हुन् । ती बाहेक अरु ६ वटा विधेयक न्यूनतम रुपमा सरकारलाई आवश्यक विधेयकसहित अगाडि जाने तयारीमा प्रदेशसभा लागेको सभामुख भण्डारीले बताउनुभयाे ।

लोकसेवा, प्रहरी र शिक्षा नीतिसहितका केही कानुन संघीय सरकारले बनाउने कानुन पर्खिएर बसेको उहाँको भनाई छ । आइतबारदेखि सुरु हुने प्रदेशको तेस्राे अधिवेशनबाट प्रदेशको नाम र राजधानीको विषय टुङ्ग्याउने तयारीमा प्रदेश रहेको छ । मुख्यमन्त्री शेरधन राईले चैत भित्रमा प्रदेशको नाम र राजधानीले पूर्णता पाउने यस अघि नै विभिन्न कार्यक्रममा सार्वजनिक गर्दै आएका छन् ।

पहिलो अधिवेशनमाबाट प्रदेश १ को संसदले ११ विधेक पारित गरेको थियो । संसदको दुवै अधिवेशनबाट प्रदेशसभा संचालन नियमावलीसहित कुल २४ वटा विधेयक पारित भएका छन् । बर्खे अधिवेशन कुल एकसय ३० दिन चलेको थियो । बैठक कुल ६० घण्टा १५ मिनेट चलेको थियो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्