प्रधानाध्यापकलाई कुटपिट गरेको भन्दै शिक्षकले गराए विद्यालय बन्द, कुट्ने शिक्षक प्रहरीको हिरासतमा

माघ २०, २०७५ आइतबार १६:३७:१७ | धनवीर महतो

महोत्तरी – प्रधानाध्यापकलाई कुटपिट गरेको विरुद्धमा महोत्तरीको गौशाला १२ स्थित राष्ट्रिय माध्यमिक विद्यालय कान्तिबजारका शिक्षकहरुले विद्यालय बन्द गरेका छन् ।

शनिबार विद्यालयका प्रधानाध्यापक देविप्रसाद घिमिरेलाई त्यही विद्यालयका शिक्षक राजकिशोर सिंहले हातपात गरेको भन्दै त्यस घटनाको न्यायोचित ढंगले छानबिन गरी दोषीलाई कारबाहीको माग गर्दै आज एकदिनको लागि विद्यालय बन्द गराएका हुन ।

विद्यालयका शिक्षक महाविर सिंह कुशवाहाले पत्रकारलाई दिएको जानकारी अनुसार पूर्व प्रधानाध्यापक राजकिशोर सिंह र वर्तमान प्रधानाध्यापक देविप्रसाद घिमिरेबीच चर्काचर्की भएकाले छानबिन गरेर दोषीलाई कारबाहीको माग गर्दै एक दिनका लागि विद्यालय बन्द गरेको हुन् ।

विद्यालयमा पुरानो हरहिसाब बरबुझारथका क्रममा यस्ता घटना घटेकाले सुरक्षाको माग गर्दै विद्यालय बन्द गरिएको शिक्षक कुशवाहाले बताउनुभयो ।

यता समितिका सदस्य महेश कुमार सिंहले घटनाको सम्बन्धमा आपूmहरुले आजै थाहा पाएकोले विद्यालय व्यवस्थापन समितिको चाँडै वैठक बसेर आवश्यक कदम उठाइने जनाएका छन् ।

अहिले विद्यालयका पूर्व प्रधानाध्यापकद्वय राजकिशोर सिंह र देवनारायण महतोलाई प्रहरीले नियन्त्रणमा लिएको छ । उहाँहरुलाई घटना भएलगतै प्रहरीले नियन्त्रणमा लिएको इलाका प्रहरी कार्यालय गौशालाले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्