इलाम नगरपालिकाले फागुनबाट प्रदूषण कर नलिने

माघ २४, २०७५ बिहीबार १२:७:४९ | सुजता सुनुवार

इलाम – स्थानीय सरकारले लगाएको प्रदूषण करमा चर्को जनगुनासो आएपछि इलाम नगरपालिकाले हटाउने भएको छ ।

माघमा बसेको कार्यपालिकाको बैठकले पेट्रोलियम पदार्थमा लिँदै आएको प्रदूषण कर हटाउने निर्णय गरेको हो । यो निर्णय फागुन १ गतेबाट लागू गरिने नगरपालिकाले जनाएको छ ।

संघीय सरकारले प्रदुषण कर हटाउन भनेपछि पाँच महिनादेखि लिँदै आएको कर हटाएको नगर प्रमुख महेश बस्नेतले जानकारी दिनु भएको छ । स्थानीय तहले प्रदूषण कर लगाउन पाउने व्यवस्था रहेकाले नगरले कर उठाउन थालेको बताइएको छ ।

गएको भदौ ७ गतेबाट लगाउँदै आएको प्रदूषण कर प्रतिलिटर ५० पैसाका दरले उठाउँदै आएको थियो । त्यस करबापत उठेको १९ पैसा संघीय सरकारलाई बुझाउँदै आएको थियो । पाँच महिनामा नगरपालिकाले पाँच लाख रुपैयाँ प्रदूषण कर संकलन गरेको छ । प्रदुषण कर हटेसँगै घरवहाल कर भने नगरले बढाएको छ ।

सात प्रतिशतले लिँदै आएको कर बढाएर दश प्रतिशत पुर्‍याउने निर्णय कार्यपालिकाको बैठकले गरेको छ । विगतमा संघीय सरकारले दश र स्थानीय तहले दुई प्रतिशत कर लिँदै आएको नगरले जनाएको छ ।

नयाँ संरचना बनेपछि घरवहाल कर संकलनको जिम्मा स्थानीय तहलाई दिइएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्