अख्तियारको नियन्त्रणमा आएका असईलाई स्थानीयले भगाए

माघ २९, २०७५ मंगलबार १९:७:४७ | धनवीर महतो

महोत्तरी – १० हजार रुपैयाँसहित रंगेहात अख्तियारको नियन्त्रणमा आएका महोत्तरीका एकजना असई फरार भएका छन ।

मंगलबार दिउँसो अख्तियार दुरुपयोग अनुसन्धान आयोग कार्यालय बर्दिवासबाट खटिएको टोलीले रंगेहात नियन्त्रणमा लिएका महोत्तरी औरही प्रहरी चौकीका असई रामनरेश साह फरार भएका हुन् ।

औरहीस्थित नवदुर्गा स-मिलबाट अख्तियारको टोलीले नियन्त्रणमा लिए पनि स्थानीयवासीले अवरोध गर्दा प्रहरी सहायक निरीक्षक साह अख्तियारको नियन्त्रणबाट भागेका हुन् ।

महोत्तरीका प्रहरी उपरीक्षक ईश्वर कार्कीले जनाए अनुसार असई अहिले सम्पर्कविहीन रहेको र औरहीमा सुरक्षा व्यवस्था कडा बनाइएको छ । अख्तियारको फन्दाबाट फरार भएका असई साहलाई खोजी कार्य तीव्र रुपमा अगाडि बढाइएको प्रहरी उपरिक्षक कार्कीले जनाउनुभयाे ।

बर्दिबासस्थित कार्यालयबाट गएको अख्तियारको टोलीले प्रहरी चौकीमा कार्यरत असई साह र नवदुर्गा स-मिलका सञ्चालक दिनेश साहलाई नियन्त्रणमा लिएलगत्तै स्थानीय नागिरकले अवरोध गरेका थिए । हाल दुवैजना नियन्त्रणबाहिर रहेको प्रहरी स्रोतले जनाएको छ ।

अख्तियारको टोलीसँग गएका प्रहरीले स-मिलमै गएर त्यसका सञ्चालक दिनेश साह र असई साहलाई नियन्त्रणमा लिएका थिए ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्