बालिका बलात्कार प्रयासको आरोपमा एकजना पक्राउ

फागुन २, २०७५ बिहीबार १०:५८:० | विमल बिष्ट

डोटी – १५ बालिका बलात्कार गर्न खोजेको आरोपमा प्रहरीले एकजना पक्राउ गरेको छ । जोरायल गाउँपालिका–४ घाडका ‘हिरे’ भनेर चिनिने ४८ वर्षीया खडकबहादुर मगरलाई प्रहरीले पक्राउ गरेको हो ।

घरमा बालिका एक्लै भएको मौकामा गएको सोमबार राति १० बजे बालिकामाथि जबरजस्ती करणी गर्न खोजेको पीडित पक्षले इलाका प्रहरी कार्यालय जोरायलमा जाहेरी दिएपछि प्रहरीले उनलाई पक्राउ गरेको हो । पक्राउ परेका मगर र पीडित बालिकालाई जिल्ला प्रहरी कार्यालय डोटीमा ल्याइएको छ ।

पीडित बालिकाको बयानका आधारमा घरमा एक्लै सुतिरहेको बेलामा मगरले बालिकामाथि बलात्कारको प्रयास गरेको जिल्ला प्रहरी कार्यालय डोटीका प्रहरी प्रवक्ता तथा डीएसपी लालबहादुर धामीले बताउनुभयो ।

उनले यसअघि गएको साउनमा पनि बालिका बलात्कारको प्रयास गरेको र संवेदनशील अंगमा हात हालेको प्रहरी अनुसन्धानबाट खुल्न आएको छ । घटनाबारे आवश्यक अनुसन्धान भइरहेको डोटी प्रहरीले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्