हिमपातका कारण लामोसाँघु–जिरी सडकखण्ड अवरुद्ध

फागुन १६, २०७५ बिहीबार १३:५३:१३ | उषा तामाङ

दोलखा – खरिढुङ्गा क्षेत्रमा भारी हिमपात भएपछि लामोसाँघु–जिरी सडकखण्ड अवरुद्ध भएको छ ।

भीमेश्वर नगरपालिका वडा नम्बर–९, खरिढुङ्गा आसपासमा भारी हिमपात भएपछि यो सडकखण्ड बिहीबार बिहानैदेखि अवरुद्ध बनेको हो ।

बिहान चरिकोटबाट काठमाण्डौका लागि छुटेको पहिलो यात्रुवाहक बस भीमेश्वर नगरपालिका वडा नम्बर ८ बोचबाट फर्किएपछि यो सडकखण्ड असुरक्षित रहेको भन्दै बन्द गरिएको जिल्ला ट्राफिक प्रहरी कार्यालय दोलखाले जनाएको छ ।

चरिकोटबाट काठमाण्डौका लागि छुट्ने सम्पूर्ण सवारी साधन पुष्पलाल राजमार्ग हुदै बीपी राजमार्गमार्फत गइरहेको जिल्ला ट्राफिक प्रहरी कार्यालयका इञ्चार्ज चन्द्रमान तामाङले जानकारी दिनुभयो । खरिढुङ्गा क्षेत्रमा अझै डेढ फीट हिउँ रहेकाले तत्कालै सडक सञ्चालन हुने अवस्था नरहेको जनाएको छ ।

बुधबारदेखि नै जिल्लाको उच्च भेगमा हिमपात भएपछि दोलखाका डाँडा सेताम्मे देखिएका छन् । वर्षौंपछि सदरमुकाम चरिकोटमा समेत आज बिहान सामान्य हिमपात भएको थियो ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्