पात्रोले झुक्कायो :  हचुवाको भरमा राष्ट्रपति, प्रधानमन्त्री र मुख्यमन्त्रीको शुभकामना !

 फागुन २३, २०७५ बिहीबार १३:३८:२४ | उज्यालो सहकर्मी
unn.prixa.net

काठमाण्डौ – पात्रोमा भएको गल्तीले आज सर्वसाधारण मात्रै होइन, मुख्यमन्त्रीदेखि राष्ट्रपतिसम्म पनि झुक्किएका छन् ।

अधिकांश पात्रोमा आज ग्याल्पो ल्होसार परेको उल्लेख छ ।  त्यति मात्र होइन, ग्याल्पो ल्होसार मनाउनेलाई आज सार्वजनिक बिदा भएको समेत उल्लेख गरिएको छ । ग्याल्पो ल्होसार शेर्पालगायत हिमाली भेगका बासिन्दाले मनाउने पर्व हो । पात्रोलाई आधार मानेर राष्ट्रपति विद्यादेवी भण्डारी, प्रधानमन्त्री केपी शर्मा ओली र गण्डकी प्रदेशका मुख्यमन्त्री पृथ्वीसुब्बा गुरुङले दिवसको शुभकामना दिए । 

प्रधानमन्त्रीको ट्वीट 

तर, यसपटक माघ २२ गते नै ग्याल्पो ल्होसार मनाइएको हेक्का कसैलाई भएन । यसपटक सोनाम र ग्याल्पो ल्होसार एकैसाथ मनाइएको थियो । पात्रोले झुक्यायो ।

धेरै ल्होसार मनाउँदा कुन ल्होसार कहिले भन्नेमा अरु समुदायका व्यक्ति मात्र होइन राष्ट्रपति, प्रधानमन्त्री र मुख्यमन्त्रीसम्म पनि झुक्किए । मुख्यमन्त्रीदेखि राष्ट्रपतिसम्मले शुभकामना दिएपछि सञ्चार माध्यमले पनि आज ग्याल्पो ल्होसार भनेर समाचार प्रकाशित गरेका छन् । 

तोल, तमु, सोनाम र ग्याल्पो गरी नेपालमा विभिन्न ल्होसार पुसदेखि फागुनभित्र मनाउने गरिन्छ । ग्याल्पो ल्होसार नेपाल, तिब्बत, सिक्किम र भुटानका शेर्पा, लामा तथा भोटे समुदायले मनाउने पर्व हो । 

नेपाल पत्रकार महासंघका केन्द्रीय सदस्य छेटु शेर्पाले संसारभरका बौद्ध धर्मावलम्बीले तिब्बती पात्रो (दतु) लाई आधार मानेर ल्होसार मनाउने गरेको बताउनुभयो ।

तीन–तीन वर्षमा सोनाम र ग्याल्पो ल्होसार एकैसाथ पर्ने र यसपटक पनि दुवै ल्होसार एकैदिन मनाइएको बताउनुभयो । दशैँ, तिहारजस्ता पर्व सधैँ एकै महिनामा नपर्ने, कहिले एउटै महिनामा पनि पर्ने भएजस्तै ल्होसार मनाउने तिथिमिति पनि फरक पर्ने उहाँको भनाइ छ ।

तर, नेपाल पञ्चाङग निर्णायक समितिले ग्याल्पो ल्होसारमा पटक–पटक समस्या आउने गरेको तर्क गरेको छ । समितिका सदस्य सचिव सूर्यप्रसाद ढुङगेलले चीनको पात्रो या तिब्बती पात्रोलाई आधार मानेर पर्व मान्दा समस्या आएको बताउनुभयो । हरेक २-३ वर्षमा यो समस्या दोहोरिने गरेको भन्दै उहाँले पात्रोमा गल्ती भए सच्चाउन सकिने तर बेलैमा जानकारी गराउनुपर्ने बताउनुभयो । 

 

अन्तिम अपडेट: मंसिर ३०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • मुकेश लामा

    March 7, 2019, 2:15 p.m.

    २०७५ सालको ज्येष्ठ महिनामा २ वटा प्रतिपदा परेको थियो २ गते र ३१ गते । यसो हुँदा असार महिनाको प्रतिप्रदा ज्येष्ठमा पर्यो साउनको असारमा पर्यो । एवं रितले यस वर्षको माघ शुक्ल प्रतिप्रदा पुसमा पर्यो फागुणनको माघमा पर्यो यस कारणले सामान्यत फागुनमा मनाइने ग्याल्पो लोसार माघ महिनामा मनाइयो । नियम अनुसारले माघमा मनाइने सोनाम लोसार पुसमा मनाइनु पर्ने थियो तर त्यसो गरिएन । २०७५ सालको ज्येष्ठ महिनामा २ वटा प्रतिपदा परेको कुरालाई हेक्का नराख्दा राष्ट्रपति प्रधान मन्त्री सबै कार्यालयहरू झुक्किन पुगे । राष्ट्रपति प्रधान मन्त्री कार्यलयले सम्बन्धित विषयको विज्ञ नराख्दा यस्तो गल्ति पटक पटक दोहोरिने गरेको ंछ जुन लज्जास्पद र हास्यास्पद पनि हो ।

  •  0 Reply

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई