प्रहरीको ‘एक टोल, एक घण्टा’ अपरेशन : एक लाख सात हजार लिटर घरेलु रक्सी नष्ट

फागुन ३०, २०७५ बिहीबार १४:३६:३४ | राधेश्याम खतिवडा

चितवन – इलाका प्रहरी कार्यालय रत्ननगरले ‘एक टोल एक घण्टा अपरेशन’ सञ्चालन गरेको छ ।

प्रहरीको टोली टोलमा पुगेर एक घण्टाको समयमा अवैध वस्तु नियन्त्रण लिने, सुरक्षाका विषयमा सचेतनासमेत दिने भएकाले यसलाई एक टोल एक घण्टा अपरेशनको नाम दिइएको हो ।

जिल्लाको पूर्वी क्षेत्रमा रहेका राप्ती, खैरहनी, कालिका र रत्ननगर गरी नगरपालिका विभिन्न क्षेत्रमा सञ्चालन गरेको अपरेशनको क्रममा एक लाख सात हजार लिटर घरेलु रक्सी बरामद गरिएको इलाका प्रहरी कार्यालय रत्ननगरका प्रहरी नायव उपरीक्षक(डीएसपी) दयानिधि ज्ञवालीले बताउनुभयो ।

जिल्लाको पूर्वी क्षेत्रका चारवटा नगरपालिकाका विभिन्न टोलबाट नियन्त्रणमा लिएको ठूलो परिणामको घरेलु मदिरालाई स्थानीय जनप्रतिनिधी,समाजसेवी र पत्रकारहरुको रोहवरमा बिहीबार प्रहरीले नष्ट गरेको छ ।

प्रहरी समुदाय साझेदारी र चितवन प्रहरीको संयुक्त रुपमा सुरु गरेको अपरेशनको क्रममा २७ वटा टोलमा अपरेशन गरिएको ज्ञवालीले बताउनुभयो । प्रहरी नायव उपरीक्षकको नेतृत्वमा प्रहरी निरीक्षक ३ जना समेत रहने गरी हरेक दिन ६० जनाको टोलीले टोल टोलमा पुगेर अपरेशन गरिएको उहाँले बताउनुभयो ।

फागुन २३ गते देखि २९ गते सम्म सञ्चालन गरिएको अपरेशनको क्रममा गुण्डागर्दी, घरेलु मदिरा, लागु औषध, जुवातास, विकृत यौन क्रियाकलाप, ट्राफिक कारबाही र सचेतना, विभिन्न प्रकारका तस्करी र क्यामेरा बोर्डका साथै लुँडो खेललाई समेत निगरानीमा राखिएको ज्ञवालीले बताउनुभयो ।

अपरेशनका क्रममा शंकास्पद गतिविधिमा संलग्न १३ जनालाई पक्राउ गरिएको छ । अवैध तथा नियमविपरीत प्रयोगमा आएका ११ वटा टिप्पर ट्रयाक्टरलाई नियन्त्रणमा लिएको जानकारी दिँदै ज्ञवालीले १४२ सावारी चालकलाई ट्राफिक कारबाही गरिएको जानकारी दिनुभयो । अपरेशनकै क्रममा ३ सयभन्दा बढी सवारी साधनमा राखिएको झल्लर, स्टिकर निकालिएको पनि उहाँले बताउनुभयो ।

स्थानीय समुदायसँग सहकार्य गरी ग्रामिण क्षेत्रका बस्तीमा गरिएको अपरेशनले समाजमा अपराध नियन्त्रणमा सहयोग पुगेको बताउँदै डीएसपी ज्ञवालीले पहिलो चरणमा एक हप्ताका लागि अपरेशन गरिएको भए पनि स्थानीय समुदायको चासो र माग बढेकाले यसलाई निरन्तरता दिने बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्