टेम्पो चालक बन्दै स्वस्तीमा खड्का

असार ११, २०७५ सोमबार १८:२९:३७ | उज्यालो सहकर्मी

काठमाडौं – अभिनेत्री स्वस्तीमा खड्का सिनेमा ‘बुलबुल’मा टेम्पो चालकको रुपमा प्रस्तुत हुने भएकी छिन् ।

सोमबार होटेल सांग्रिलामा एक कार्यक्रमको आयोजना गर्दै निर्माण पक्षले यस सिनेमाको आधिकारिक घोषणा गरेको छ । विनोद पौडेलको कथा, पटकथा तथा निर्देशन रहने यस सिनेमामा स्वस्तीमा प्रमुख भूमिकामा छिन् ।

सिनेमामा आफू रनकलाको भूमिकामा प्रस्तुत हुने जानकारी दिँदै स्वस्तीमाले आफ्नो लागि यो भूमिका निकै नै चुनौतीपूर्ण रहेको बताइन् । सिनेमाको लागि नै स्वस्तीमाले केही दिन यता टेम्पो सिकिरहेकी छिन् । सिनेमामा आफ्नो यो भूमिकालाई लिएर स्वस्तीमा निकै उत्साहित देखिइन् ।

यस सिनेमामा स्वस्तीमाका अलावा मुकुन भुषाल, जोयश पाण्डे, लक्ष्मी वर्देवा, दिपक क्षेत्री, उज्ज्वल अधिकारी लगायतका कलाकारको पनि अभिनय रहनेछ ।
सिनेमामा आशिका अधिकारीलाई बाल–कलाकारको रुपमा देख्न सकिनेछ ।

‘बुलबुल’मा कोशिश क्षेत्री र उद्गम परियारको संगीत, सुशान प्रजापतिको छायांकन रहनेछ भने अविरल थापा, भिम थापा, राजु पौडेल र पुरुषोत्तम पाण्डेले लगानी गरेका छन् ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्