पुनर्निर्माणमा खटिएका प्राविधिकहरु आन्दोलनमा

चैत ३, २०७५ आइतबार १९:३५:४४ | उषा तामाङ

दोलखा – दाेलखामा पुनर्निर्माणमा खटिएका प्राविधिकहरु आइतबारबाट आन्दोलनमा उत्रिएका छन् ।

राष्ट्रिय पुननिर्माण प्राधिकरणले पुननिर्माणमा कार्यरत प्राविधिकहरुको मागलाई बेवास्ता गरेको भन्दै उनीहरुआन्दोलनमा उत्रिएका हुन् ।

जिल्ला आयोजना कार्यान्वयन इकाइ शिक्षा दोलखामा कार्यरत प्राविधिकहरुले राष्ट्रिय पुननिर्माण प्राधिकरण प्राविधिक राष्ट्रिय हकहित संरक्षण समितिको कार्यक्रम अनुसार आइतबार पेन डाउन पनि गरेका छन् ।

सोमबार जिल्ला आयोजना कार्यान्वयन इकाइको कार्यालयमा तालाबन्दीको कार्यक्रम रहेको प्राविधिकहरुले बताएका छन् ।

राष्ट्रिय पुनर्निर्माण प्राधिकरण प्राविधिक राष्ट्रिय हकहित संरक्षण समितिले पेश गरेको ५ बुँदे मागउपर मौन बसेको भन्दै आन्दोलन सुरु गरेको जिल्ला आयोजना कार्यान्वयन इकाइ शिक्षाका प्राविधिक प्रेम शाहले जानकारी दिनुभयो ।

यसैबीच दत्त बहादुर भण्डारीको अध्यक्षतामा जिल्ला आयोजना कार्यान्वयन इकाइ शिक्षा संघर्ष समिति गठन गरिएको छ । समितिको उपाध्यक्षमा श्रीचन्द्र कठायत, सचिवमा अरुण लामा र सदस्यहरुमा पर्वत पोखरेल र प्रेम बहादुर शाह रहनुभएको छ ।

यता जिल्ला आयोजना कार्यान्वयन इकाइ भवनका प्राविधिकहरु भने नियमीत काममा रहेको जनाएको छ । इकाइ प्रमुख इन्जिनियर अर्जुन तामाङले निजी आवास निर्माणका लागी खटिएका इन्जिनियर प्राविधिकहरुलाई कार्यस्थल नछाड्न अनुरोध गरिएको बताउनुभयो ।

बीमाको सुविधा उपलब्ध गराउनुपर्ने, असोजदेखि उपलब्ध नभएको फिल्ड भत्ता प्रदान गर्नुपर्ने लगायतका माग राखेर आन्दोलन सुरु भएको हो ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्