कपिलवस्तुको कुदानमा पहिलो पटक निग्रोधाराम उत्सव गरिने

चैत ३, २०७५ आइतबार २०:५४:१० | गोपाल भण्डारी

कपिलवस्तु – गौतम बुद्धले ज्ञान प्राप्त गरेपछि आफ्ना माता पितालाई पहिलो पटक भेट गरेको स्थान निग्रोधाराम हाल कुदान भनेर चिनिने स्थलमा पहिलो पटक निग्रोधाराम उत्सव हुने भएको छ ।

लुम्बिनी विकास कोषको आयोजना र कपिलवस्तु नगरपालिका, यशोधरा गाउँपालिका, कपिलवस्तु नगरपालिका वडा नं. २ को सहआयोजनामा चैत्र ६ गते उत्सवको आयोजना गरिन लागेको लुम्बिनी विकास कोषका सदस्य राजेश ज्ञवालीले बताउनु भयो ।

उत्सवलाई प्रदेश नं. ५ का पर्यटनमन्त्री लिला गिरीले उद्घाटन गर्ने कार्यक्रम रहेको छ ।

उत्सवको अवसरमा कुदान क्षेत्रमा बौद्ध पूजा, दीप प्रज्ज्वलन, बौद्ध सम्बन्धी नाटक, बुद्ध गृहनगर प्रवेश गरेको स्मरणमा अबिर उत्सव लगायतका कार्यक्रमहरु सञ्चालन गरिने कोषका सदस्य ज्ञवालीले बताउनु भयो ।

निग्रोधाराम बौद्ध धर्म दर्शनको एक पवित्र स्थल हो । गौतम बुद्धले बुद्धत्व प्राप्त गरेपछि कपिलवस्तु फर्कँदा पिता राजा शुद्धोधनले पहिलो पटक गौतम बुद्धलाई कुदानमा नै भेट गरेको किंवदन्ती छ ।

चिनिया यात्री फायहन र ह्बेयसानका अनुसार बुद्धले ज्ञान प्राप्त गरेपछि कुदानमा राजा शुद्धोदनलाई दर्शन दिइ पत्नी यशोधरा, ठूली आमा प्रजापति र छोरा राहुललगायत करिब ५ सयलाई बौद्ध संघमा सामेल गराइएको पुस्तकहरुमा उल्लेख गरेको पाइन्छ ।

त्यस्तै देवदत्त र सिद्धार्थबीच हा“सको बिषयलाई लिएर विवाद हुँदा यसै स्थानमा न्याय दिइएको बुद्धकालीन इतिहासमा उल्लेख गरिएको छ ।
उत्सवलाई विशेष रुपमा वडाले पनि सघाउ गर्ने वडा अध्यक्ष राम भजन कलवारले बताउनु भयो ।

उत्सवको आयोजनाबाट आफ्नो वडामा रहेको यो स्थलको बौद्धकालीन पुरातात्विक महत्वको बारेमा प्रचार प्रसार हुने र पर्यटन प्रवर्धनमा सघाउ पुग्ने अपेक्षा गरिएको वडा अध्यक्ष कलवारले बताउनु भयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्