शिक्षा विकास प्रमुखमाथि भएको अभद्र व्यवहारप्रति आपत्ति

चैत ११, २०७५ सोमबार २०:२२:५७ | विमल बिष्ट

डोटी - शिक्षा विकास तथा समन्वय इकाई डोटीका प्रमुख अनन्त कुमार पौड्यालमाथि भएको अभद्र व्यवहारको शिक्षक संगठनले आपत्ति जनाएका छन् ।

कार्यकक्षमा काम गरिरहेको बेला प्रमुखमाथि आइतबार भएको घटनाको सम्बन्धमा प्रेस विज्ञप्ति जारी गरेर दोषीमाथि कडा कारबाहीको माग गरिएको छ ।
घटनाका सम्बन्धमा डोटीका प्रमुख जिल्ला अधिकारी यादब सुबेदीलाई भेट्न गएको शिक्षकहरुको एक टोलीले दोषीलाई कानुनी कारबाहीमा नल्याए कडा संघर्षका कार्यक्रम तय गर्ने बताएको छ ।

कार्यकक्षमै यस्तो दुव्र्यवहार गर्नुले कुनै पनि कर्मचारी सुरक्षित नभएको स्पष्ट भएकोले दोषी कुनै पनि बहानामा उम्किन नहुने नेपाल शिक्षक महासंघका सह–अध्यक्ष बलबहादुर विष्टले बताउनुभयो ।

नेपाल शिक्षक महासंघका सह–अध्यक्ष बलबहादुर विष्ट, नेपाल राष्ट्रिय शिक्षक संगठनका अध्यक्ष गणेशबहादुर कठायत र एकीकृत अखिल नेपाल शिक्षक संगठनका अध्यक्ष रामबहादुर ऐरले जारी गरेको विज्ञप्तिमा कपालेकल्पित, भ्रामक तथा पूर्वाग्रह साँध्नका लागि यस्तो घटना गरिएको उल्लेख गरिएको छ ।

कानुन हातमा लिएर आफ्नो तालुकदार अड्डाका प्रमुखमाथि भएको अमानवीय व्यवहार सह्य नहुने नेपाल राष्ट्रिय शिक्षक संगठनका अध्यक्ष गणेशबहादुर कठायतले बताउनुभयो ।

त्यसैगरी, उक्त घटना अमानवीय व्यवहार भएको बताउँदै कर्मचारी मिलन केन्द्र डोटी तथा शिक्षा विज्ञान तथा प्रविधि मन्त्रालयले पनि घटनाको विरोधमा विज्ञप्ति पकाशित गरेका छन् ।

दाषी कुनै पनि हालतमा उम्कन नपाउने भन्दै डोटीका प्रमुख जिल्ला अधिकारी यादव सुबेदीले घटनामा संलग्न ४ जनाको खोजी भैरहेको जानकारी दिनुभयो ।

घटनामा संलग्न भनिएका बिजयराज ओझा, प्रबिण उपाध्याय, रमेशबिक्रम खड्का र प्रकाश ठकुल्लाका विरुद्धमा सार्वजनिक नैतिकताविरुद्धको कसुरमा मुद्दा दर्ता भइसकेको जिल्ला प्रहरी कार्यालय डोटीका प्रहरी उपरीक्षक विद्यानन्द माझीले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्