धनुषा - ४० हजार रुपैयाँ घुससहित जनकपुरमा दुईजना कर्मचारीलाई अख्तियारले नियन्त्रणमा लिएकाे छ ।

तराई जोवियम तथा घाँसेबारी बीउ-बिजन प्रयोगशाला जनकपुरधाममा कार्यरत वरिष्ठ पशु विकास अधिकृत डा.राम गुलाम यादव र पशु प्राविधिक जागेश्वर चौधरीलाई अख्तियारले मंगलबार दिउँसो घुससहित रंगेहात पक्राउ गरेका हुन् ।

दुवै जनालाई अख्तियार दुरुपयोग अनुसन्धान आयोग बर्दिबासबाट आएको अप्रेशन टोलीले जनकपुरको बिसहाराचोकबाट पक्राउ गरेको हो । काम सम्पन्न भएपछि भुक्तानी लिन गएका एक सेवाग्राहीबाट दुवै कर्मचारीले ४० हजार कमिसन लिएपछि पक्राउ गरेको टोलीले जनाएको छ ।

यसअघि भुक्तानी गर्नु अगाडि सेवाग्राहीसँग कमिसन मागेपछि सेवाग्राहीले आयोगलाई जानकारी गराएका थिए । नियन्त्रणमा लिइएका दुवै कर्मचारीमाथि कारबाही प्रक्रिया अघि बढाइएको छ ।