न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
इलाम – पूर्वराजा ज्ञानेन्द्र शाह आइतबार इलाम आइपुग्नु भएको छ ।
निजी भ्रमणका लागि उहाँ झापाको दमकबाट इलाम आइपुग्नु भएको हो । आफैं सवारी चलाएर आइतबार साँझ इलाम सदरमुकाम आइपुग्नु भएको भ्रमण व्यवस्थापन समितिका सदस्य हरी श्रेष्ठले जानकारी दिनुभयो । उहाँका अनुसार पूर्वराजा शाह आइतबार सदरमुकामकै समिट होटलमा बास बस्नु हुनेछ ।
शाहको साथमा उहाँका स्वकीय सचिवसहित २३ जनाको टोली रहेको बुझिएको छ । भोलि (सोमबार) उहाँ पाँचथर जाने कार्यक्रम रहेको बताइएको छ । पाँचथर सदरमुकाम फिदिमको शिवालयमा पूजा गरी राष्ट्रिय विभूति महागुरु फाल्गुनन्दको सालिकमा माल्यार्पण समेत गर्ने कार्यक्रम रहेको बताइएको छ ।
आउदो मंगलबार पुनः इलाम फर्केर उहाँ बुधबार इलाम नै बास बस्ने समितिका सदस्य श्रेष्ठले जानकारी दिनुभयो । यस्तै बिहीबार इलाममा पदयात्रा सहित माइस्थान मन्दिरमा पूर्वराजा शाहले पूजा गर्ने कार्यक्रम तय भएको छ । उहाँ त्यसै दिन दमक फर्किनु हुनेछ ।