कारागारमा सँगै बस्दा पाँचहजार रकममा विवाद, बाहिर निस्किएर हत्या

चैत २०, २०७५ बुधबार १३:८:४४ | उज्यालो सहकर्मी

रुपन्देही – बुटवलमा हत्या गरिएका लमजुङ मोतीपसलका ३० वर्षीय हरिबहादुर पाण्डेको हत्यामा संलग्न भएको आरोपमा प्रहरीले कास्कीका ६८ वर्षीय बलबहादुर सुनारलाई पक्राउ गरेको छ ।

पाण्डेको शव चैत १ गते साँझ बुटवल–११ बुद्धनगर, मजुवा र बिनापानेबीचको तिनाउ नदीको बगरमा भेटिएको थियो ।

मृतक पाण्डे र हत्यामा संलग्न रहेका सुनारको बन्दीगृहमा रहँदा चिनजान भएको प्रहरीले बताएको छ । उनीहरुले बन्दीगृहमा लामो समयसँगै बिताएका थिए । बन्दीगृहमा रहेकै बेला पाँच हजार रुपैयाँको विषयमा उनीहरुबीच भएको विवाद नै बन्दीगृहबाट बाहिर निस्किएपछिको हत्याको कारण बनेको रुपन्देही प्रहरीले बताएको छ ।

प्रहरीका अनुसार सुनारले कारागारबाट निस्किएपछि हरिबहादुरलाई मार्ने योजना बनाएका थिए । योजना अनुसार नै सुनारले पाण्डेलाई यार्सागुम्बाको व्यापार गर्ने भन्दै चार लाख रकमसहित बुटवल बोलाएका थिए । उनले कारोबार गर्न एकान्त चाहिने भन्दै एकान्त ठाउँमा लगेर ढुङगाले हानेर हत्या गरेको रकम लुटपाट गरेको प्रहरी समक्ष स्वीकारेका छन् ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्