‘हेल्लो जिन्दगी’ मा दीपिका प्रसाई

चैत २२, २०७५ शुक्रबार १३:७:२६ | उज्यालो सहकर्मी

सुपरहिट चलचित्र ‘छक्का पञ्जा ३’ पछि विवाह बन्धनमा बाँधिएकी अभिनेत्री दीपिका प्रसाई चलचित्र क्षेत्रबाट बाहिरिने धेरैको अनुमान थियो अन्ततः त्यो अनुमान गलत साबित भएको छ ।

चलचित्र ‘छक्का पञ्जा ३’ रिलिजको लामो समय पश्चात अभिनेत्री दीपिका प्रसाई नयाँ चलचित्रमा अनुबन्धित भएकी छन् । उनि अनुबन्धित भएको चलचित्र हो ‘हेल्लो जिन्दगी’ ।

चलचित्रको छायांकन यही चैत अन्तिम साताबाट सुरु हुने बुझिएको छ । निर्देशक एभरेष्ट सूर्य बोहरा केही दिनमा चलचित्रको छायांकनको तयारीका लागि बेलायत जाने तयारीमा छन् । निर्देशक बोहरा गएको केही दिनमा कलाकारसहितको जम्बो टोली ‘हेल्लो जिन्दगी’ छायांकनको लागि बेलायत प्रस्थान गर्ने बुझिएको छ । अभिनेत्री दीपिका प्रसाईले चलचित्र ‘हेल्लो जिन्दगी’ साइन गरिसेकाको बताएकी छिन् ।

निर्देशक दिवाकर भट्टराई र दीपिका प्रसाईले हिन्दु परम्परा अनुसार वैशाखमा विवाह गर्ने बताएका थिए । यही कारण पनि चलचित्र गर्ने नगर्ने टुंगो थिएन त्यसकारण पनि आफू चलचित्रमा अनुबन्ध भएको कुरा सार्वजनिक नगरेको दीपिकाको भनाइ छ ।

दीपिका भन्दा पहिले चलचित्रमा अभिनेत्री श्वेता खड्का फाइनल भैसकेकी छन् । श्वेता, दीपिकाका अलावा चलचित्रमा सलोन बस्नेत, विल्सनविक्रम राई, विक्रान्त बस्नेत लगायतका कलाकारको अभिनय रहनेछ ।

विराञ्जना इन्टरटेन्मेन्टको ब्यानरमा निर्देशक बोहोराको लेखन तथा निर्देशनमा निर्माण हुने चलचित्रलाई सृजना जोशीले निर्माण गर्न लागेकी हुन् । चलचित्रलाई अहिलेका सर्वाधिक व्यस्त र महंगा छायांकार पुरुषोत्तम प्रधानले छायांकन गर्नेछन् । चलचित्रका गीतमा बसन्त सापकोटाको संगीत र निशान भट्टराईको स्वर रहने बताइएको छ ।

– उज्यालो र गफगाफ डटकमको सहकार्य

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्