विराटनगरबाट मुख्यमन्त्रीको घोषणा : नाम र राजधानी नयाँ वर्षसँगै टुङ्गिन्छ

चैत २५, २०७५ सोमबार १८:३९:३७ | सुमन तिमल्सिना

माेरङ - प्रदेश १ का मुख्यमन्त्री शेरधन राईले प्रदेशको नाम र राजधानी नयाँ वर्षको आगमनसँगै टुङ्गिने बताउनु भएकाे छ ।

विराटनगरमा कृष्णप्रसाद सिग्देल पत्रकारिता पुरस्कार वितरण समारोहमा बोल्दै प्रदेश १ का मुख्यमन्त्री शेरधन राईले प्रदेशको नामकरण र राजधानी नयाँ वर्षको आगमनसँगै प्रदेशले पाउने बताउनु भएकाे हाे ।

उहाँले प्रदेशको राजधानी मात्र नभई प्रदेशको नाम पनि सँगै आउने भएकोले अब नाम र राजधानीको विषय टुङ्गिनेबित्तिकै धेरै बिषयहरु थप बलियो भएर जाने स्पष्ट पार्नुभयाे । प्रदेशको नाम र राजधानीको विषय अहिले देख्दा लम्बिएको देखिए पनि यो विषय टुङ्गिनेबित्तिकै निर्माणको कामले पनि गति लिने मुख्यमन्त्री राईको भनाइ छ ।

अहिले प्रदेश सरकार योजनाबद्ध विकासको थालनीको क्रममा अगाडि बढेको स्मरण गराउँदै उहाँले आवधिक योजना निर्माणको काम वैशाख १५ सम्ममा सकेर प्रदेशको परियोजना बैंकको तयारीमा रहेको बताउनुभयाे ।

उहाँले परियोजना बैंक संचालनका लागि संघीय सरकारको अनुमतिमा स्विस सकारसँग मिलेर परियोजनाको सम्भाव्यता अध्ययत थालनी गरिने बताउनुभयाे ।

‘परियाेजना बैंकको अवधारणासँगै प्रदेश सरकार कानुन तथा नीति निर्माणमा अघि बढ्छ', मुख्यमन्त्री राईले भन्नुभयाे, 'त्यसलगत्तै प्रदेशमा लगानी सम्मेलनको आयोजनासँगै प्रदेशलाई समृद्धिको बाटो खुल्छ ।’

उहाँले अहिले पनि प्रदेश सरकार अन्धाधुन्ध नहिँडेको स्मरण गराउँदै एउटा बाटो निर्माणका लागि आधार तय गरेर मात्र प्रदेश सरकार अगाडि बढ्ने क्रममा रहेको जानकारी दिनुभयाे ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्