अपहरितको सकुशल उद्धार, चार जना अपहरणकारी पक्राउ

चैत २६, २०७५ मंगलबार १७:१:१४ | उज्यालो सहकर्मी

भक्तपुर – महानगरीय प्रहरी वृत्त थिमीले अपहरणमा परेका एक युवाको सकुशल उद्धार गरी अपहरणमा संलग्न रहेको अभियोगमा चार जनालाई पक्राउ गरेको छ ।

पक्राउ पर्नेमा चाँगुनारायण नगरपालिका-७, वागेश्वरीका २३ वर्षीय विकास लामा, काठमाण्डौ महानगरपालिका-६, बौद्ध चावहिलका २९ वर्षीय रमेश लामा, काठमाण्डौ महानगरपालिका-१, कपन चुनिखेलका ३२ वर्षीय धनलाल श्रेष्ठ र झापा बुधबार ३ घर भइ हाल काठमाण्डौ महानगरपालिका १५ डल्लु बस्ने ३३ वर्षीय विकास थापा रहेको प्रहरी वृत्त जगातेका प्रमुख एवं प्रहरी नायब उपरीक्षक शिशु शर्माले जानकारी दिनुभयो ।

चार जनाको यस टोलीले भक्तपुरको चाँचुनारायण नगरपालिका-९, ताथली हलाल गाउँमा डेरा गरी बस्ने झापा दमक नगरपालिका-९, दूधेका २५ वर्षीय सन्तोष तुम्बापुलाई अपहरण गरेको अभियोगमा पक्राऊ गरेको हो ।

तुम्बापुलाई बा ९ च १८०१ नम्बरको कारमा जबर्जस्ती राखेर लगेको सूचनाको आधारमा खटिएका प्रहरी टोलीले भक्तपुर नगरपालिका-९, ब्रम्हायणीबाट नियन्त्रणमा लिइ सन्तोषको उद्दार गरेको उहाँले जानकारी दिनुभयो ।

अपहरणमा प्रयोग भएको गाडीसहित पक्राऊ परेका चार जनालाई प्रहरी वृत्त जगातेमा राखेर अनुसन्धान सुरु गरेको र घटनामा संलग्न अन्यको खोजी कार्य भइरहेको प्रनाउ शर्माले जानकारी दिनुभयो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्