जन्ती बोकेको जीप दुर्घटना हुँदा एक जनाको ज्यान गयाे: ७ जना घाइते

वैशाख ८, २०७६ आइतबार १८:२७:३३ | डीबी बिष्ट

बझाङ - खप्तड छान्ना गाँउपालिका वडा नम्बर ४ बाट जयपृथ्वी नगरपालिका सुबेडातर्फ जन्ती लिएर आउँदै गरेको से १ ज ७१८ नम्बरको जीप दुर्घटना हुँदा एक जनाको ज्यान गएको छ ।

खप्तड छान्ना गाँउपालिका वडा नम्बर २ को बाँसपाटामा भएकाे दुर्घटनामा त्यसै गाउँपलिका वडा नम्बर-४ का ६० वर्षीय बासुदेब जोशीको घटनास्थलमा नै ज्यान गएको भएको स्थानीय बासिन्दा केशबराज जोशीले बताउनुभयाे । मृतक जाेशी दुलाहाका दाइ नाता पर्ने भएकाेले विवाहसमेत स्थगित भएको छ ।

दुर्घटनामा चालकसहित ७ जना घाईते भएका छन् । पानि परेका कारण बाटो चिप्लो भएर गाडीले सिलीप खाँदा जीप दुर्घटना भएको हुन सक्ने स्थानीयले बताएका छन् । घाईतेहरुलाई उपचारका लागि जिल्ला अस्पताल स्थानीयले उद्धार गरेर पठाएको जोशिले बताउनु भयो ।

जन्ती बोकेकाे जीप दुर्घटना भएपछि गाँउ नै शाेकमा डुबेको छ । दुर्घटनामा दुलाहा बलराम जोशीको खुट्टामा सामान्य चोट लागेको बताइएको छ । जीप सडकबाट झण्डै १५ मिटर तल खसेको र जन्तीमा आएका खप्तड छान्ना गाँउपालिकाका चेतराज जोशी, गोकर्ण जोशी, नरेशप्रसाद जोशी, देबराज जोशी, सुकदेब जोशी, डम्बर प्रसाद जोशीका साथै चालक जयराज जोशी घाइते भएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्