देशभर मौसम बदली, साँझपख हुरीबताससहित पानी पर्ने सम्भावना

वैशाख ९, २०७६ सोमबार ७:५२:६ | उज्यालो सहकर्मी

काठमाण्डौ – उपत्यकासहित देशभरका धेरै ठाउँको मौसम अहिले बदली भएको छ । केही ठाउँको मौसम भने सफा छ । पश्चिमीसँगै स्थानीयले वायुको प्रभावले मौसम बदली भए पनि अहिले तत्काल पानी पर्ने सम्भावना नरहेको मौसमविद्ले बताएका छन् ।

मौसमविद् वरुण पौडेलका अनुसार अहिले बदली भएको ठाउँको मौसम केहीबेरमा खुल्नेछ । तर दिउँसोपछि फेरि बदली भई बेलुकीतिर मेघगर्जन र हुरीबताससहित पानी पर्ने उहाँको अनुमान छ ।

यसैबीच दक्षिण एसियामा आउँदो वर्षको मनसुनमा मौसमी अवस्था कस्तो रहन्छ भन्ने बारेमा अध्ययन गर्न साउथ एसियन क्लाइमेट आउटलुक फोरम (सास्कोफ) को बैठक काठमाण्डौमा बस्दैछ ।

ललितपुरको कुपण्डोलमा बिहान ९ बजे सुरु हुने बैठकमा नेपालसहित दक्षिण एसियामा मौसम र जलवायुको क्षेत्रमा काम गरिरहेका व्यक्ति सहभागी हुने जल तथा मौसम विज्ञान विभागले जनाएको छ ।

मंगलबार सकिने बैठकले दक्षिण एसियामा यो वर्षको मनसुन कस्तो रहन्छ भन्ने बारेमा पूर्वानुमान गर्ने मौसमविद् शान्ति कँडेलले जानकारी दिनुभयो ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्